Mataio 5:29 - Miriam Mer Gospels 1902

²⁹ Ese mara tuter pone mari nadkoli ma dekeamur a adem; abelelam debele nerute mog mara gem abi, a adud batauered mara gem kemerkemer Genaim.

Mataio 5:29 ပူးပေါင်းရင်းမြစ်များ

Mataio 10:28

Uaba nole geum uader le uaba gem ipit eumid, a umer kak uiaba ipit eumid uaba lamar; a mamoro uaba geum abele le E umele dedkoli abele lamar pako gem Genaim.

Mataio 11:6

E gaire debe lu nagri abele le, nole kari asared kak.

Mataio 16:26

Abelelam nalu lu abkoreb, ese abele le nagri geseb ge uridili, a ko dedkoli abara eded? a nalu lu ikuar abele le ko bodomalam abara eded?

Mataio 17:27

A nerute uiaba mena mudi mer meribim, ma bakea mabele gur ge, a ma batauered nerute uk, abele kekiam lar ma nagri ma tetaruka; a ko diske abara te, epe ma erdali abele setatara; ma ais uiabim ikuar mara a kara ko.

Mataio 19:12

Abelelam uader eunuka umele kebi ueremlam, a uader eunuka uiaba tababu eunukaem abele kotor baselaialam. Ese le umele egaret, debele E egaret.

Mataio 23:15

Uaiai uaba aotale pako Faresaio, bes le giz! abelelam uaba deraueili gur ge pako sep ge iaueakai uaba nagri nerute le uaba esorerapare; ese uaba erpei, a uaba ikerare Gena ra le E au adud uabielam.

Mataio 23:33

Ege uaba tabo, tabo areg ra omasker giz, nako uaba derar abele urker Genaim?

Mataio 5:22

Epe kakanale uabi detagered, Ese le tababu ueku abara boai, E nagri bodomalam abele meratager; ese le abi detager abara boai, Raka, E nagri bodomalam abele meratager; ege ese nerute le abi detager nerute le, Paim le ae, E nagri bodomalam abele ur Genaim.

Mataio 5:30

Ese mara tuter tag mari nadkoli, ma isimi adem, abelelam debele nerute mog mara gem abi, a adud batauered mara gem kemerkemer Genaim.

MAREKO 8:36

Abelelam ese nerute le geseb ge uridili terapei, a abara eded abi, nalu bodomalam abim?

Luka 12:5

Epe kaka uabi detomeret le uabi geum: Uaba abi geum, ese uaeseemu abi ua ipit, E sirdam iako batauered gena: ageakar, kaka uabi detagereda, kega, Uaba abi geum.