Mataio 5:22 - Miriam Mer Gospels 1902

²² Epe kakanale uabi detagered, Ese le tababu ueku abara boai, E nagri bodomalam abele meratager; ese le abi detager abara boai, Raka, E nagri bodomalam abele meratager; ege ese nerute le abi detager nerute le, Paim le ae, E nagri bodomalam abele ur Genaim.

Mataio 5:22 ပူးပေါင်းရင်းမြစ်များ

Mataio 10:17

A ua bako le giz: abelelam uiaba uabi demarida abele mer atager, a ko uiaba uabi demarida uiaba sunago ge,

Mataio 10:28

Uaba nole geum uader le uaba gem ipit eumid, a umer kak uiaba ipit eumid uaba lamar; a mamoro uaba geum abele le E umele dedkoli abele lamar pako gem Genaim.

Mataio 12:24

Gaire Faresaio giz aserare, a uiaba mer abielam, Ese nole Belezebul demona giz opole, umer kak abele le demona imud.

Mataio 17:5

Dasmer, abele zoromzorom baz uiaba natkamda: ko dasmer, abele kodo mer bazelam, kega, Kara Uerem nase ge pedali, kaka abim sererege; uaba mamor abi asoli.

Mataio 18:21

Ege Peteru abim tabakeam, kega, Opole ae, naket kerker kara le kari nadkoli, a kaka mena abi omare? nako sefen kerker?

Mataio 18:35

Mokakalam kara Aba kotor ge E ikeli uabim abkoreb, ese uaba nole tababu omare uaba nerkep kemerkemer uaba le giz uabi dedkoeda.

Mataio 23:15

Uaiai uaba aotale pako Faresaio, bes le giz! abelelam uaba deraueili gur ge pako sep ge iaueakai uaba nagri nerute le uaba esorerapare; ese uaba erpei, a uaba ikerare Gena ra le E au adud uabielam.

Mataio 23:33

Ege uaba tabo, tabo areg ra omasker giz, nako uaba derar abele urker Genaim?

Mataio 25:41

E uiabi detager uader le abara ber tag, Uaba le adud tonar, bakeuare adem karielam, abele ur niai karem, emetu derser abkoreb abele diabolo pako tabara angela giz:

Mataio 26:59

Ege gaire zogo le giz pako aule giz pako gaire tarim le uridili uiaba deraimerare uader le bes ageakarem Iesuim, iaueakai uiaba abi ipitare eumilu:

Mataio 3:17

Dasmer, abele kodo mer kotorlam, kega, Kara Uerem nase ge idali, kaka au sererege abim.

Mataio 5:34

Epe kakanale, kaka uabi detagerare, Nole iskosi kak; nole iskosi abele kotor ge, abelelam Ade ra bao ge;

Mataio 5:44

Epe kaka uabi daratagerare, Uaba abi nasenase uiaba le giz uabi ueku, uaba debe mer ikuar uader le uabi adud mer egali, uaba abi nasenase uader le uabi deralu, uaba abi esorerapare uader le uabi bes mer gako uabi dedkoli;

MAREKO 14:55

Gaire kole zogozogo le giz, pako gaire tarim le giz deraimerare abielam nerute tonar, ko abi ipit eumilu; epe nole ardar kak.

MAREKO 15:1

Ege idim ge gaire kole zogozogo le giz, a au le giz, a aotale giz, pako gaire tarim le giz ko mer atagere; uiaba emetu Iesu didbare, uiaba abi egared, a Pilato nakuar.

Luka 12:5

Epe kaka uabi detomeret le uabi geum: Uaba abi geum, ese uaeseemu abi ua ipit, E sirdam iako batauered gena: ageakar, kaka uabi detagereda, kega, Uaba abi geum.

Luka 22:66

Ege gerger ge, gaire kerem le, abele ged ge, uiaba etami netat uteb, pako zogozogo le giz a aotale giz; epe uiaba abi egared uiabi opem, a kega,

Ioane 11:47

Zogo kemle giz, pako Faresaio giz netate gedim ko mer atager, kega, Mi nako? abelelam gaire adigir abele le ikeli.

Ioane 15:25

Iaueakai bakedida abele mer detali uiaba gelar ge, kega, Uiaba no kari naorarti.

Ioane 7:20

Gaire le lakub abim detaut, kega, Demoni mari dog: niti de mari naraimeli mari uanapit?

Ioane 8:48

Iudaia giz abi detaut, kega, Nako, keriba nole barkak detaut ma Samaria le, a demoni mari dog?