Mataio 5:18 - Miriam Mer Gospels 1902

¹⁸ Abelelam a ageakar kaka uabi detagered, Eseamulu abele kotor ge gako abele gesep ge, epe nole aseamur kak abele iota, gako kebi uar mog abele gelar giz, a mena bakedida gaire lu uridili.

Mataio 5:18 ပူးပေါင်းရင်းမြစ်များ

Mataio 10:15

Ageakar kaka uabi detagered, Abele itimer gerger kebi bodomalam Sodomaem a Gomoraem tumem abele uteb ge.

Mataio 10:23

Ese uiaba uabi dedkoli nerute uteb, a ua ko kored bakeuare nerute utebem; abelelam a ageakar kaka uabi detagereda, Umer kak uaba basiki Isaraela ra uteb uridili, mena Le la Uerem tabarki.

Mataio 10:42

Ese le abi ikuar no ni gebegeb abele tanelu ge abim nerute kebile ko eri, abele nei kaimeg giz, ageakar kaka uabi detagered, Nole abu kak abara bodomalam.

Mataio 11:11

Ageakar kaka uabi detagered, Nole nerute le tekuei a esmelu kosker giz, aule tumem Ioane Bapataiso, epe abele le kebi kale abele kotor baselaia, E aule tumem abim.

Mataio 13:17

Abelelam ageakar kaka uabi detagereda, kega, Gaire perofeta, pako le barkak tonar, uiaba au lagelag dasmerare gaire lu uaba erdali, a nole ardar kak; a uiaba ko lagelag aserare abele gaire lu ua aserare, a nole asor kak.

Mataio 16:28

Ageakar kaka uabi detagereda, Uader le ike nole eud kak, mena dasmerare Le la Uerem ko tabarki abara baselaia ge.

Mataio 17:20

Ege Iesu uiabi detager, Abelelam uaba nole oatur kak: ageakar kaka uabi detager, Ese uaba oituli abkoreb abele sinapi ra turum, a uaba detagerare abele paser, Ma bakeam abele uteb ge; E umele bakeam; nole nerute lu ko obogai uabim.

Mataio 18:18

Ageakar kaka uabi daratagerare, Gaire lu uridili uaba didibare abele geseb ge, a ko didibare abele kotor ge: a gaire lu uridili ua ko detue abele geseb ge, a ko detue abele kotor ge.

Mataio 18:3

A uiaba kega, Ageakar kaka uabi detager, Ese uaba nole depegeli a ko mokakalam kebile ise, umer kak uaba bao abele kotor baselaia ge.

Mataio 19:23

Iesu detager abara kaimeg giz, Ageakar kaka uabi detager, Au beber lu giz ra apu a bao kotor baselaia ge.

Mataio 19:28

Ege Iesu uiaba detager, Ageakar kaka uabi detager, Uaba kari narmili, ese Le la Uerem egimuru taba opole bao ge a zorom ge, abele ko ditimedlu, a uaba ko bagiri opole bao ge tuelf, a mer atager Isaraela ra nosik tuelf.

Mataio 21:21

A Iesu uiabi detager, kega, Ageakar kaka uabi detager, Ese uaba oituli, a nole asared kak, uaba ko ikerare nole abele lu suke tepteb, epe ese uaba detagerare abele paser, Ma agisi ma ko bataueret abele gur ge, E umele bakeam.

Mataio 21:31

Nete le neis uerem ikeli taba aba ra lag? Ege uiaba abim kega, Narbet uerem. Ege Iesu uiabim etkalu, Ageakar kaka uabi detager, Kekiam telona giz pako gab kosker giz abele Ade ra baselaia ge bardare, a uaba keubu.

Mataio 23:36

Ageakar kaka uabi detager, Gaire lu uridili tabarki tumem abele nosik.

Mataio 24:2

A Iesu uiabi detager, Nako uaba nole asmer kak gaire lu uridili? Ageakar kaka uabi detager, Nole nerute baker igi tumem nerute baker, iako uababuare ueseamulu.

Mataio 24:47

Ageakar kaka uabi detager, E abi ikosi ko sirdam abara gaire lu uridili.

Mataio 25:12

E uiabi etkalu, kega, Ageakar kaka uabi detager, kaka nole asmer kak uabim.

Mataio 25:40

Ege Opole uiabi etkalu, kega, Ageakar kaka uabi detager, Abelelam uaba ikerare nerute le kebi kale kara keimer ike, kakanali uaba ikerare.

Mataio 25:45

E uiabim etkalu, kega, Ageakar kaka uabi daratagerare, Abelelam uaba nole ikerare nerute le kebi kale uiaba ike, epe kakanali uaba nole ikerare.

Mataio 5:26

Ageakar kaka mari detager, Ma umer kak ko esomed, pe bakedida abara mani.

Mataio 6:16

Ese uaba leuer baili, nole opauzi mokakalam bes le giz; abelelam uiaba dedkoli uiaba op, iaueakai gaire le nardarare uiaba leuer baili. Ageakar ka uabi detagereda, Uiaba bodomalam nagri.

Mataio 6:2

Epe ike, ese ma abi nase lu nakuarare, ma nole maber dibiri mara opem mokakalam bes le giz a sunago ge, a gab ge, iaueakai le giz uiabi naosepereda. Ageakar kaka uabi detagereda, Uiaba nagri bodomalam.

Mataio 8:10

Ege Iesu asoli, E au damared, E uiabim detagerare gaire le abi irmilare, kega, Ageakar kaka uabi detagerare, kaka nole erdali nerute Isaraela le nagri au oituli mokakalam.

MAREKO 10:15

Ageakar, kaka uabi detagereda, kega, Ese nerute le Ade ra baselaia nole erpei kak mokakalam kebile, E nole abele ge badare.

MAREKO 10:29

Iesu detaut, kega, Ageakar kaka uabi detagereda, kega, Ese nerute le meta dekaer, a keimer giz, a berbet giz, a aba, a apu, a abara kosker, a uerem giz, a ged giz, karielam, a euangelia,

MAREKO 11:23

Ageakar, kaka uabi detagereda, kega, Ese nerute le abele paser ge mer detager, kega, Ma eupumar, a gur ge baraigida; a nole abara nerkep emarili, E ko egared abele mer E detager, oitulilam.

MAREKO 12:43

Iesu abara kaimeg giz darabgerare, a uiabim daratagereda, kega, Ageakar, kaka uabi detager, kega, Abele mai kosker, nole lu kak, abele batauereda mani epei ge uiabi uridili tumem batauereda:

MAREKO 13:30

Ageakar, kaka uabi detager, kega, Nosik le peik nole abu kak, kekiam abele gaire lu tabarki.

MAREKO 14:18

Uiaba baido, a leuer eroare, Iesu detager, kega, Ageakar, kaka uabi detagereda, kega, Nerute uabielam kari keserkeser, abele le kari dog eroli.

MAREKO 14:25

Ageakar, kaka uabi detagereda, kega, Kaka nole iako aree kak abele uina turumlam, kekiam tabarki abele gerger kaka ko aree kerkar uina Ade ra baselaia ge.

MAREKO 14:30

Iesu abi detager, kega, Ageakar, kaka mari detager, kega, Thri ma ko kari nasared, abele ki ge, a kimiar faul nole neisi ereretikri kak.

MAREKO 14:9

Ageakar, kaka uabi detagereda, kega, Gaire ged uridili geseb ge ko euangelia marao, abele ko etomeret kosker ra dorge, mena ko dikiapor abim.

MAREKO 3:28

Ageakar kak uabi detagereda, kega, Gaire ezubameli, a gaire uit uerem le giz ko detue:

MAREKO 6:11

Uiaba le giz uabi agared kak, a nole uabi asor kak, uaba bakeam abele gedelam, sep ditkeda uaba teter gablam uiabi atamelam. Ageakar, kaka uabi detagereda, kega, Niaiem gerger itmer, kebi bodamalam Sodomaem a Gomoraem tumem abele ged ge.

MAREKO 8:12

E au nerezi muige abara mar, kega, Nako abele nosik le atamelam deraimer? Ageakar, kak uabi detagereda, kega, Nole akuar kak atamelam abele nosik le.

MAREKO 9:1

E uiabi daratagereda, kega, Ageakar, kaka uabi detagereda, kega, Uader gaire le ge tekue, nole eud kak, kekiam uiaba Ade ra baselaia dasmerauem tabarki kemem adgiri.

MAREKO 9:41

Abele le ni sor uabi ikuar, abelelam uaba Keriso ra boai, ageakar, kaka uabi detagereda, nole ab kak bodomalam abim.

Luka 11:51

A ditimed Abela ra mam bakedida Sakaria ra mam, uiaba ipit eipu neres ge, maike Zogo meta: ageakar, kaka uabi detagereda, kega, E deraimerare abele nosik.

Luka 12:37

Abele memeg le giz uiaba uerkab, uiaba opole E erdali uiaba ikeli abkoreb mokakalam, a mamoro derser: Ageakar, kaka uabi detager, E abara uali dimiri, a uiabi detager, Meriba ero, E bakeamu uiaba memeg le.

Luka 13:35

Dasmer, uaba meta dikaer dedkoli; ageakar, kaka Uabi detager, Uaba nole kari umer kak, keubu gerger uaba detautare, kega, Uerkab abele le tabaruk Opole nei ge.

Luka 16:17

Kotor a gesep sobkak uaeseamu, Ade ra gelar giz nolea nerute mog uar uaeseamu.

Luka 18:17

Ageakar, kaka uabi detagereda, Ese nerute le nolea erpei Ade ra baselaia, E mokakalam kebile, umer kak ko bardare.

Luka 18:29

Ege E uiabi daratagerare, kega, Ageakar, kaka uabi detager, kega, Ese nerute le dikaer tabara meta, pako aba a apu, pako tabara le, pako tabara kosker, a omasker, Ade ra baselaialam,

Luka 23:43

Ege Iesu de abi detaut, kega, Ageakar, kaka mari detager, Abele gerger meriba obapit Paradaiso.

Luka 4:24

Ege E detager, kega, Ageakar, kaka uabim detaut, Nolea abkoreb perofeta emeri abara ged kar.

Ioane 1:51

Iesu abi detager, kega, Ageakar, ageakar kaka uabi detagereda, kega, Uarem uaba ko dasmerare kotor uanakesmur, a gaire Ade ra angela uatabatuer iako uabog tumem Le la Uerem.

Ioane 10:1

Ageakar, ageakar, kaka uabi detager, kega, Abele le nole balu mamoe giz gab te ge, a ogi nerute gab ge, E eruam le, a lu gatkamer le.

Ioane 10:7

Iesu iako uiabim detaut, kega, Ageakar, ageakar, kaka uabi detager, kega, Kaka mamoe giz ra te.

Ioane 12:24

Ageakar, ageakar, kaka uabi detager, kega, Ese nerute kon kep nole seb ge abi, a uatuet, E tepteb ipe: ese E uatuet, E au turum.

Ioane 13:16

Ageakar, ageakar, kaka uabi detager, kega, Memeg le nole aule tumem abara opole; a nole abele le namarida tumem abele le abi namarida.

Ioane 13:38

Iesu abi detaut, kega, Eko, ma ko ikuar mara eded kara kes? Ageakar, ageakar, kaka mari natagere, kega, kimiar faul nole ereretikri, ma ko kekiam thri kari nasared.

Ioane 14:12

Ageakar, ageakar, kaka uabi detager, kega, Abele le karim oituli, gaire dorge kaka ikeli, E ko ikeli: epe E ko au ikeli tumem abele, abelelam kaka nabakeamulu karba Abem.

Ioane 16:20

Ageakar, ageakar, kaka uabi detagereda, kega, Ua ko ebazoli, a okabatagereda, a geseb ko sererge: uaba ko okasosok, abele uaba okasosok ko depegili ko sererge.

Ioane 16:23

Abele gerger dali uaba nole nerute lu damos karielam. Ageakar, ageakar, kaka uabi detager, kega, Abele gaire lu uaba damos Babalam muige kara nei ge, E ko uabi dekuarare.

Ioane 21:18

Ageakar, ageakar, kaka mari natager, kega, Ma makeriam emeret mabu eso, ma bakeam mabara lag: ma aule mabara tag nagisi, a nerute ko mari uanaso, a mari uanagared abele ma nole la kak.

Ioane 3:11

Ageakar, ageakar, kaka mari natager, kega, Keriba detagereda abele gaire lu keriba erdarda, a ageakarem abele gaire lu keriba dasmereda; epe uaba nole arpeir kak abele keriba ageakarem.

Ioane 3:3

Iesu etkalu, a abi detager, kega, Ageakar, ageakar, kaka mari natagere, Ese nerute le nole iako esmeda, E umer kak Ade ra baselaia dasmer.

Ioane 3:5

Iesu etkalu, kega, Ageakar, ageakar, kaka mari natager, Ese nerute le nole esmeda ni de a Lamar de, E nole umer kak Ade ra baselaia badari.

Ioane 5:19

Iesu detaut, a uiabim daratagerare, kega, Ageakar, ageakar, kaka uabi detagereda, Uerem umer kak tababu dorge ikeli, epe mamoro E Ab dasmer ikeli: gaire lu E ikerare, Uerem ko abele keli.

Ioane 6:26

Iesu uiabi detaut, kega, Ageakar, ageakar, kaka uabi detagereda, Uaba nole kari naraimeli abelelam uaba dasmer gaire atamelam, mamaro uaba areto eroarem, a kem osmeda.

Ioane 6:32

Iesu uiabi detaut, kega, Ageakar, ageakar, kaka uabi detager, Mose nole areto uabi ikuar kotorlam; epe mamoro kara Aba uabi dekuarda areto kar kotorlam.

Ioane 6:47

Ageakar, ageakar, kaka uabi detagereda, kega, Abele le karim oituli, E nagri eded aseamur kak.

Ioane 6:53

Iesu uiabi detaut, kega, Ageakar, ageakar, kaka uabi detagereda, ese uaba nole eroli Le la Uerem ra gem, pako abara mam ere, uaba nole eded kak muige uaba nerkep ge.

Ioane 8:34

Iesu uiabim detaut, kega, Ageakar, ageakar, kaka uabi detager, kega, Abele le uit ikeli, E uite ra memeg le.

Ioane 8:51

Ageakar, ageakar, kaka uabi detager, kega, Ese nerute le kara mer asoli, E nole eud asmer kak niai karem.

Ioane 8:58

Iesu uiabim detaut, kega, Ageakar, ageakar, kaka uabi detager, Kakanali, Aberahama aosmer kak.