Mataio 5:11 - Miriam Mer Gospels 1902

¹¹ Uerkab uaba ese uiaba adud mer uabim, a uabi dedkoeda a bes mer uabim, a gaire adud uridili uabim karielam.

Mataio 5:11 ပူးပေါင်းရင်းမြစ်များ

Mataio 10:18

A uabi eguatumur tarima le a opole uiaba opem karielam, a ikeli ageakarem uiabim pako uiabim nogle giz.

Mataio 10:22

Gaire le uridili uabi derar kara neilam; epe abele le niaiem tekuei bakedida mop ge, E ko eded.

Mataio 10:25

Au debele okakis ereuer le mokakalam abele le abi ereuerem, a ko abele memeg le mokakalam abara opole. Ese uiaba nei atker abele boai ra opole Belezebul, nako uiaba nole ikeli mokakalam abara boai?

Mataio 10:39

Abele le erpei abara eded, a ko abi abielam; ege abele le dedkoli abara eded karielam, a ko nagri.

Mataio 19:29

Ese nerute le dikaer meta, pako keimer giz, a berbet giz, pako aba, a apu, pako kosker, a omasker giz, a ged giz, kara neilam, E nagri dordor gaire lu mokakalam netate handed, a ko nagri eded aseamur kak.

Mataio 24:9

Ege uiaba uabi namarkare abele asiasi, pako uiaba uabi deres eumida; a gaire ged uridili uabi derar kara neilam.

Mataio 27:39

Gaire le nakasir, uiaba abi adud mer nakarare, a uiaba kerem abi dirilare,

MAREKO 13:13

Gaire le ko uabi derar kara neilam, ese nerute le erpei mop ge tabarki, E ko eded.

MAREKO 13:9

Uaba mamoro dasmer; uiaba uaba kotem emarik; a uaba ipit sunago ge; a uaba tegared gauana giz a au opole giz ra op karielam, uiabim atamelam.

MAREKO 4:17

Epe nole sip kak muige uiaba nerkep ge, abelelam nole niaiem ekue; menaba asiasi a dedkoli abele merlam tabarki, sobkak uiaba bakesmiri.

MAREKO 8:35

Abelelam ese nerute le laglag abara eded asisiem abele ko abi; epe ese nerute le abara eded abi, karielam pako Euangelia, abele ko ededem.

Luka 21:12

Gaire lu nole tabarki, a uiaba uabi erpei, a dedkoli, a uiaba uabi uademarkar sunagoem, pako audbar metaem, a uiaba uabi uadeguatare opole giz opem, kara neilam.

Luka 21:17

Gaire le uridili ko uabi derar, kara neilam.

Luka 6:22

Uerkab uaba uader au urker uabim, pako uabim daratirieda, pako dedkoli uaba nei mokakalam adud lu, Le la Ueremlam.

Luka 9:24

Abelelam, ese nerute le lagelag abara eded asisiem, abele ko abi; ese nerute le abara eded abi karielam, abele ko ededem.

Ioane 15:21

Abele gaire lu uridili uiaba uabim ikeli kara neilam, abelelam uiaba nole abi umer kak kari namarida.

Ioane 9:28

Uiaba adud mer abim, a detaut, kega, Mama abara memeg le; mamoro keriba Mose ra memeg le.