Mataio 5:10 - Miriam Mer Gospels 1902

¹⁰ Uerkab uader le dedkoli abele barkak tonarlam; abelelam uiaba nagri kotor baselaia.

Mataio 5:10 ပူးပေါင်းရင်းမြစ်များ

Mataio 10:23

Ese uiaba uabi dedkoli nerute uteb, a ua ko kored bakeuare nerute utebem; abelelam a ageakar kaka uabi detagereda, Umer kak uaba basiki Isaraela ra uteb uridili, mena Le la Uerem tabarki.

Mataio 19:14

Ege Iesu uiabi detager, Nole aisumdar kak, karim tabakeuare: abelelam uiaba ike abkoreb mokakalam kotor baselaia ge.

Mataio 25:34

Abele Opole uiabi detager uader le abara tuter tag, Uaba tabakeuare uaba emetu kara Aba uabi ikuar debe mer, uaba uteb abele baselaia, emetu derser uabim a nole detagem abele geseb ge:

Mataio 5:3

Uerkab uader le gebegeb nerkep; abelelam uiaba uteb kotor baselaia.

MAREKO 10:14

Iesu dasmer, abara nerkep asiasi, E uiabim detagereda, kega, Kebi omasker karim taramarkare, nole uiabi aisumdar kak; abelelam, Ade ra baselaia uiabi koreb.

MAREKO 10:30

Peirdi abele gerger, E iako egared uan handed meta, a keimer giz, a berbet giz, a apu giz, a uerem giz, a dordor ged, asiasi kemem; kerker ge niaiem eded aseamur kak ko egared.

Luka 21:12

Gaire lu nole tabarki, a uiaba uabi erpei, a dedkoli, a uiaba uabi uademarkar sunagoem, pako audbar metaem, a uiaba uabi uadeguatare opole giz opem, kara neilam.

Luka 22:29

Mokakalam kara Aba E kari ikuar abara baselaia, abkoreb kaka uabi ikuar,

Luka 6:20

Ege E dasmer abara kaimeg giz, E uiabi detager, kega, Uerkab uaba nolea lu kak: abelelam uaba Ade ra baselaia ge.

Luka 6:22

Uerkab uaba uader au urker uabim, pako uabim daratirieda, pako dedkoli uaba nei mokakalam adud lu, Le la Ueremlam.

Ioane 15:20

Dikiaporare kara mer kaka uabi detager, kega, Memeg le nole aule tumem abara opole. Ese uiaba emetu kari natkoli, uiaba ko uabi dedkoeda; ese uiaba emetu kara mer erpei, uiaba ko uaba mer erpei.