Mataio 4:3 - Miriam Mer Gospels 1902

³ E toabukilu abele le mirem, kega, Ese mama Ade ra Uerem, ma detager gaire baker a depegire leuer ise.

Mataio 4:3 ပူးပေါင်းရင်းမြစ်များ

Mataio 14:33

Ege uader le muige abele nar tabakeuare abim esorgiru, a mer kega, Ageukar mamanali Ade ra Uerem.

Mataio 16:16

Ege Simona Peteru abi detaut, kega, Mama Keriso, Ade ra Uerem eded.

Mataio 26:63

Epe Iesu nole mer kak. Ege zogo le abim detager, kega, Kaka mari detager, Ma iskosi keribim edede Ad ra nei, nako mama Keriso Ade ra Uerem?

Mataio 3:17

Dasmer, abele kodo mer kotorlam, kega, Kara Uerem nase ge idali, kaka au sererege abim.

MAREKO 1:1

Abele ditimedilu Iesu Keriso ra debe merkem, Ade ra Uerem.

MAREKO 3:11

Uite lamar giz abi dasmerare, uiaba abim bakesmeri, a ereretikri, kega, Mamanali Ade ra Uerem.

MAREKO 5:7

E au kodo ereretikri, kega, Kaka nako marim, Iesu Ade ra Uerem, au kale? Kaka marim bali Ade ra op, nole kari asiasi nakeli.

Luka 1:35

A ge angela etkalu abim, kega, Lamar Zogo natabu, a Ageakar Opole ra adigir mari tumge; abelelam mabara uerem zogo, tabara nei, Ada ra Uerem.

Luka 22:70

Ui uridili abi detaut, kega, Nako mama Ade ra Uerem? E uiabi daratagerare, kega, Karim pe ua abele mer tegareda.

Luka 4:3

Epe diabolo abi detager, kega, Ese ma Ade ra Uerem, debele ma detager baker peike depegemelu leuer.

Luka 4:41

Ege gaire demoni giz uiaba osmed, ereretikri, kega, Mamanali Keriso Ade ra Uerem. Ege E uiabi daisumda, ege uiaba umer kak mer atager abim; abelelam uiaba umele E Keriso.

Luka 4:9

Ege E abi ais Ierusalemaem, ege abi ekue tumge abele zogo meta ge, a abi detager, kega, Ese ma Ade ra Uerem, ma eupumar abele uteblam:

Ioane 1:34

Kaka dasmer, a kaka ageakarem, kega, Ade ra Uerem pedali.

Ioane 1:49

Nathaniela abim etkalu, kega, Rabi, ma Ade ra Uerem, a Isaraela ra Opole.

Ioane 20:31

Emetu abele gaire lu detali ueakai uaba dikiaporauem, kega, Iesu Keriso kar, Ade ra Uerem: ueakai uaba onatereda, uaba ko eded nagri abi neilam.

Ioane 9:35

Iesu asoli uiaba emetu abi imuare; E abi erdali, a abi detager, kega, Nako, ma Ade ra Uerem oituli?