Mataio 4:23 - Miriam Mer Gospels 1902

²³ Ege Iesu deraueilu Galilaia uridili, E uiabi ereuerem uiaba sunago giz, E natomertare debe mer abele baselaia ge, a idigiri gim le giz gako asiasi gim abele ged uridili.

Mataio 4:23 ပူးပေါင်းရင်းမြစ်များ

Mataio 11:5

Gaire le pone asadamer bakaerti, uader le ibibi nakasiri, a lepera idigir, pako grip batapili a asoli, uader le eumid ko eded akaida, a etomeret abele debe mer uiabim gaire lu kak le.

Mataio 12:9

E bakeamulu abele utebelam, ege E balu uiaba sunago ge:

Mataio 13:19

Ese le asoli abele baselaia ra mer, ese nole akiapor kak, ege adud le abim tabarki, a ais adem abele saido emetu dikri abi nerkep ge. Abele le pedali egared abele saido abele gab ge.

Mataio 13:54

E bakeamulu a osmeda taba ged ge, E uiabi ereuerem uiaba sunago, a uiaba abi damared, a mer detagerare, kega, Abele la E nagelam abara pardale pako adigir?

Mataio 14:14

Ege Iesu bakeamulu, a uiaba nardarare abele gaire le lakub, abara nase baruk uiabim, E idigir uiaba gim le giz.

Mataio 24:14

A ko etomeret debe baselaia ra mer gaire ged narid, ko ikeli ageakarem gaire ged narid; iaueakai bakedilu abele mop ge tabarki.

Mataio 3:2

Kega, Ma obazgeda, abelelam kotor baselaia maike.

Mataio 9:35

Ege Iesu deraueli gaire utebe uridili pako kebi utebe, a ereuerem uiaba sunago ge, a marau abele baselaia ra debe mer, E nadgirare gim le uridili, pako au asiasi gim le abele ged ge.

MAREKO 1:14

Emetu Ioane didbari, Iesu bakeamulu Galilaiaem, ko marau Ade ra debe merkem, kega,

MAREKO 1:21

Uiaba Kapernauma tabakeuare; sabath ge E dudum sunago tabao, a ereuerem.

MAREKO 1:39

E marau muige gaire uiaba sunago Galilaia uridili, a demoni giz imuda.

MAREKO 3:10

E gaire le nadgirare; abelelam ui uridili gim nagri abi atkap ueakai abi itutilu.

MAREKO 6:2

Sabath ge, E ditimeda sunago ge ereuerem; gaire le asereda damreda, kega, Nagelam abele gaire dorge abi dog? nako pardali abi ikuar, ueakai gaire dorge adigir mokakalam abara tag ikeli?

MAREKO 6:6

E au damreda uiabielam uatur kak. E bakeamuda deraueida abele gaire kebi uteb ge, a okadeskeda.

Luka 10:9

Uaba nadgirare uader gim le, a ua daratagerare, kega, Ade ra baselaia maike uabi dog.

Luka 13:10

Ege E uiabi ereuerem nerute sunago, sabath ge.

Luka 16:16

Abele gelar giz pako perofeta bakedida Ioane: ditimedelu natomertare Ade ra baselaia ge, a gaire le batumu.

Luka 20:1

Nerute gerger, E ereuerem abele ged ge, muige zogo meta, a etomeret debe mer, a uiaba zogozogo le giz a aotale giz, a aule giz ekue;

Luka 4:14

Epe Iesu ko akomeda Galilaiaem, Lamar abim au adigiri; ege gaire le asoli abara tonar deraueli apek uridili.

Luka 5:17

Nerute gerger, E uiabi ereuerem; ege Faresaio giz pako ereuer le abele gelar giz, uiaba tabakeauare nerute uteb Galilaialam, pako Iudaia, pako Ierusalema; ege nagri Opole ra adigiri, abelelam E nadgirare uiabim.

Luka 6:17

Ege E bakeam okakis uiabim, E ekue debe uteb, pako abara kaimeg giz, pako gaire le lakub Iudaialam, pako Ierusalemalam, pako nerute apek Turo a Sidona, ege uiaba tabakeauare lagelage abim asoli, a uiaba dikiapore uiaba gaire gim, E uiabi nadgirare;

Luka 6:6

Nerute sabath ge, E iako sanago ge balu, E uiabi ereuerem: nerute le abara tuter tag euselu.

Luka 7:21

Abele gerger gaire gim le E idigiri, pako asiasi gim, pako demoni giz; pako ikuar ueakai gaire le pone sadmer uiaba bakaerti.

Luka 7:22

Epe Iesu uiabim detaut, kega, Ua bakeamulam, uaba etomeret Ioaneim gaire lu uaba emetu erdali, pako lu uaba emetu asoli; sadmer bakaerti, pako ibibi le emetu ekasereder, pako lepera emetu ogdirup, a grip eudgamad emetu diski asoli, uader eumid uiaba ko ekuei, a debe mer marau uiabim uader le nolea lu kak.

Luka 8:1

Keubu, Iesu iako deraueli gaire ged pako gaire uteb, ege E etomeret debe mer Ade ra baselaia ge: ege abara kaimeg giz, tuelf le, uiaba emeri abi okakis,

Luka 9:11

Ege gaire le lakub uiaba emetu umele, a uiaba abi irmilare: ege E uiabi agiz, E uiabi detager tonar Ade ra baselaia ge, pako idigiri uader le lagelag eded.

Luka 9:60

A Iesu abi detager, kega, Debele ikedi le eumida uiaba etkobei; marim abkoreb ma ekue etomeret Ade ra baselaia ge.

Ioane 18:20

Iesu abi detaut, kega, Kaka paret kak gesepem detaut; kaka sunago ge ereuerem, a zogo meta ge, Iudaia giz netate uteb ge; kaka nole nerute lu mude ge detaut.

Ioane 6:59

E abele gaire lu detagereda muige sunago, E nereuereda Kaperenauma ge.

Ioane 7:1

Abele gaire lu iobaru, Iesu Galilaiaem ekas: E nole la kak Iudaiaem ekas, abelelam Iudaia le giz deraimerare abi ipitare.