Mataio 4:19 - Miriam Mer Gospels 1902

¹⁹ E uiabi detager, Ua kari narmili, kaka uaba depegimelu le asaperem.

Mataio 4:19 ပူးပေါင်းရင်းမြစ်များ

Mataio 16:24

Iesu uiabi detager abara kaimeg giz, Ese le lagelag kari narmili, nole abkoreb ko irmili tabara lag, debele E ko ais tabara satauro, a kari narmili.

Mataio 19:21

Iesu abim detager, Ese ma lagelag debele kemerkemer, mara tonar ma bakeam a ko terapei gaire mara lu, ma uiabi nakuarare gaire lu kak le, iaueakai mara lu nagri kotor ge gaire debe lu giz, a ma tabakeam, kari narmili.

Mataio 4:18

Iesu ekasereder maike abele Galilaia gur ge, E abi erdali neisi le, Simona abara nei Peteru, gako Anederea abara keimer, uiaba net bataueret abele gur ge; abelelam ui darali umele larem.

Mataio 4:20

Ui darali dikaerei uiaba net a abi irmilei.

Mataio 8:22

Ege Iesu abi detager, Kari narmili; a dikaer eud le giz uiaba etkobei eud le giz.

Mataio 9:9

Ege Iesu bakeamulu adem abele utebelam, epe E erdali abele le emreder abele meta ge a asesereder zegu mani, abara nei Mataio; E abi detager, Ma kari narmili, ege E tekueilu, a abi irmili.

MAREKO 2:14

E uteb esaimelu, E Leui, Alefaio ra uerem, dasmer meta dipumeda emeri, E abi detager, kega, Kari narmili, E ekueilu a abi irmili.

Luka 5:27

Ege abele lu eseamulu, epe E osmed, ege E erdali nerute telona giz, abara nei Leui, ege E emeri meta dipumed: E abi detager, kega, Kari narmili.

Luka 9:59

Ege E detager nerute le, Ma kari narmili. Ege abim detaut, kega, Opole, ma kari nakuar kaka kekiam nabakeamulu atkobeilu kara aba.

Ioane 1:43

Iuaokaer, Iesu laglag Galalaiem bakeam, E Filipo erdalu, a abi detager, Kari narmili.

Ioane 12:26

Ese nerute le kara memeg le, abara dorge kari narmili; abele uteb kaka emri, kara memeg le la uteb dali: ese nerute le kari memeg le, Baba de abi despili.

Ioane 21:22

Iesu abi detager, kega, Ese kaka lagelag E kari naokaili, nako abele marim? ma kari narmili.