Mataio 4:10 - Miriam Mer Gospels 1902

¹⁰ Iesu abi detager abim, Ma adem bakeam Satana, abelelam emetu detarare, Mama abi esorgiru abele Opole mara Ade, E tepeteb mama abi memeg le.

Mataio 4:10 ပူးပေါင်းရင်းမြစ်များ

Mataio 16:23

Ege E egeremalu Peteruim, a abim, kega, Satana ae, ma bakeam kara sor ge: ma mokakalam lu kari bamsili; abelelam ma nole lakak Ade ra lu, epe mamor le la lu.

MAREKO 1:13

Foate gaire gerger E soge purge emeri, Satana de abi mirem; abi dog gaire ebur marmar; angela giz abara memeg.

Luka 10:18

Ege E uiabim daratagerare, kega, Kaka erdali Satana, E ekesmeri kotorlam, mokakalam perper ise.

Luka 11:18

Ese Satana tababu barili a epuli, nako E umele niaiem ekue, pako abara baselaia? abelelam, pe ua detager, kega, Belezebul, abelelam ka demoni imuda.

Luka 13:16

Abele kosker, Aberahama ra neur, ege Satana de didibar, dasmer, abara urut eitin, nako nole abkoreb detuemer abara mukub sabath gerger ge?

Luka 22:3

Ege Satana balu muige Iuda, nei atker Isakariota, abara nerkep, E nerute tuelf le.

Luka 22:31

Ege Opole abi detager, kega, Simona, Simona, dasmer, Satana au lagelag uabim, iuaeakai E uabim derser, mokakalam saito derser:

Luka 4:8

Epe Iesu abim detaut, kega, Satana, ma adem bakeam kara sorge; abelelam emetu detali, Ma esorgiru mara Ade, ege abi memeg le tepteb.

Ioane 13:27

Abele mog leuer iobaru, Satana abi nerkep balu. Iesu abi detaut, kega, Abele lu ma ko ikeli, elele ikeli.