Mataio 3:12 - Miriam Mer Gospels 1902

¹² Abara tag nagri pat, E dirup abara kon etkemed; a E ais azig metaem gaire kon nole puip kak, ege kon ra gegur E disirkilu abele ur umer kak esameilu.

Mataio 3:12 ပူးပေါင်းရင်းမြစ်များ

Mataio 13:30

Dikaer, no ikedi, mena omeida neis lu bakedida abele nur ge a ismi; ese nur tabarki, kaka uiabi detaut, uader le ismi, Uaba kekiam etami abele ditania, pako uaba ko didbari gaire lager, a urim disirik; ege abele saido, ua etami a azirik kari saido meta ge.

Mataio 13:41

Le la Uerem namarkare abara angela uiaba taraisare muige abara baselaialam uiaba le asareda, pako uader le adud tonar;

Mataio 13:42

A uiabi batauered muige abele urueri amei; nagri ebazuer, pako tereg ikupamaretlare.

Mataio 13:43

Ege uiaba barkak tonar au zorom, mokakalam lem, abele uiaba Aba ra baselaia ge. Abele le grip nagri ko asoli, debele E asoli.

Luka 3:16

Ege Ioane de daratagerare, kega, Kai uabi bapataiso ni ge; ia nerute le tabakeam aule kari tumge, nole abkoreb kaka detue abara teter gab mukub: E uabi bapataiso abele Lamar Zogo, gako abele ur:

Luka 3:17

Abara tag nagri pat, E dirup abara kon etkemed; a E ais azirig metaem gaire kon nole puip kak, ege kon ra gegur E disirkilu abele ur umer kak esameilu.

Ioane 15:2

E ko ismi gaire tam kari dog nole turum kak: a gaire tam turum turum E ko paret, ueakai au turum.