Mataio 28:6 - Miriam Mer Gospels 1902

⁶ E nole ike, abelelam E ko eded akaid, mokakalam E detager. Ua tabakeamlam abi dasmeram abele uteb abele Opole emetu uteid.

Mataio 28:6 ပူးပေါင်းရင်းမြစ်များ

Mataio 12:40

Abelelam mokakalam Iona muige abele au lar kem ge neis netat gerger ge, a neis netat ki ge; mokakalam Le la Uerem ko muige sep ge neis netat gerger ge, pako neis netat ki ge.

Mataio 16:21

Abele kerker Iesu ditimedlu ko natomertare abara kaimeg giz abkoreb E Ierusalemaem bakeamulu, ko gaire lu aiasi ikeli abim gaire aule giz pako zogozogo le giz pako aotale giz, uiaba abim ipitare eumida, E ko eded akaida thri gerger.

Mataio 17:23

Uiaba ko abi ipit eumilu, a ko eded thri gerger. Ege uiaba au okasosok.

Mataio 17:9

Uiaba tabatueli abele paserlam, ege Iesu daraisumdarare uiabim, kega, Uaba nole atomeret kak nerute le abele lu uaba dasmerare, mena Le la Uerem ko eded akaida eudlam.

Mataio 20:19

Uiaba abi namarid uiabim gaire nogle, iaueakai uiaba abi neg degarare, pako damerik, a ko abi satauroem: E ko eded akaida thri gerger.

Mataio 27:63

Kega, Opole ae, keriba ko dikiaporare abele bes le E emetu detager, Abele kerker eded, eseamud neis netate gerger kaka ko tekue.

MAREKO 16:6

E uiabim detager, kega, Uaba azigmaret kak: uaba Iesu Nazareta le deraimer, abele le emetu satauroem; E iako eded akaida; E nole ike; dasmer abele uteb uiaba abi ikedi!

MAREKO 8:31

E ditimeda uiabi ereuerem, Le la Uerem ko asiasi, a aule giz abi derar, a gaire tarim le, a zogozogo le giz, a aotale giz, ko abi ipit eumilu, a keubu thri gerger E iako eded akaida.

Luka 24:12

Ege Peteru ge ekueilu, E au koreder aoem; E esorgiru, E erdar no uali gaire eskeder; A E akomelu tabara metaem, a damer abele lu.

Luka 24:23

Uiaba nole erdali abara gem, a uiaba bakeamu abele merkem, kega, Keriba erdali angela giz ui keribim detomereta, E emetu ko eded akaida.

Luka 24:44

A E uiabi daratagerare, kega, Abele mer kaka uabi detagereda, abele kerker kaka uabi kemem, abkoreb iako ageakarem gaire lu uridili emetu detali karielam Mose ra gelar, pako perofeta giz, a Salamo.

Ioane 10:17

Ege kara Aba kari omare, abelelam kaka karbara eded ikuar, iako takalu.

Ioane 2:19

Iesu uiabim etkalu, a detaut, kega, Eogerdi abele meta, kaka iako ikeli thri gerger.