Mataio 27:63 - Miriam Mer Gospels 1902

⁶³ Kega, Opole ae, keriba ko dikiaporare abele bes le E emetu detager, Abele kerker eded, eseamud neis netate gerger kaka ko tekue.

Mataio 27:63 ပူးပေါင်းရင်းမြစ်များ

Luka 9:22

Kega, Abkoreb gaire lu asias Ade ra Uerem, pako aule giz abi dikaer, pako zogozogo le giz, pako aotale giz, uiaba abi ipitare, a thri gerger ko eded.

Mataio 16:21

Abele kerker Iesu ditimedlu ko natomertare abara kaimeg giz abkoreb E Ierusalemaem bakeamulu, ko gaire lu aiasi ikeli abim gaire aule giz pako zogozogo le giz pako aotale giz, uiaba abim ipitare eumida, E ko eded akaida thri gerger.

Ioane 2:19

Iesu uiabim etkalu, a detaut, kega, Eogerdi abele meta, kaka iako ikeli thri gerger.

Luka 18:33

A uiaba abi damarik, a abi ipit eumilu: a thri gerger E ko eded akaida.

MAREKO 10:34

Uiaba ko abi neg degarare, a abi damerik, a abi mos akeida, a abi ipit eumida; abele gerger thri, E iako eded akaida.

MAREKO 8:31

E ditimeda uiabi ereuerem, Le la Uerem ko asiasi, a aule giz abi derar, a gaire tarim le, a zogozogo le giz, a aotale giz, ko abi ipit eumilu, a keubu thri gerger E iako eded akaida.

Mataio 20:19

Uiaba abi namarid uiabim gaire nogle, iaueakai uiaba abi neg degarare, pako damerik, a ko abi satauroem: E ko eded akaida thri gerger.

Mataio 17:23

Uiaba ko abi ipit eumilu, a ko eded thri gerger. Ege uiaba au okasosok.

Mataio 26:61

Abele le keribi detager, Kaka umele Ade ra zogo meta ezageri, kaka umele ko ikeli neis netate gerger.

Ioane 7:12

Gaire le lakub abim basardare: uader detaut, kega, E debele; a uader, kega, Nolea, E gaire le didmirki.

Luka 23:2

A abi etomeretare, kega, Keriba erdali abele le, E mer desakili abele ged ge, E daisumda nole Kaisarai lu aisuerare, kega, E Keriso Opole.

Ioane 7:47

Gaire Faresaio uiabim detaut, kega, Nako emetu uabi didmirki?

Mataio 27:64

Dasmer, ma uiabi detager ko dimilu abele ao, mena bakedilu neis netate gerger, iaueakai nole abara kaimeg giz bakeuare ki ge ko abi eruam, a uiaba ko daratagerare abele ged, E ko tekueilu eudlam; iaueakai au bes keubu, abele kekiam bes.

Mataio 28:6

E nole ike, abelelam E ko eded akaid, mokakalam E detager. Ua tabakeamlam abi dasmeram abele uteb abele Opole emetu uteid.

MAREKO 9:31

Iesu abara kaimeg giz ereuerem, a uiabi detagereda, kega, Le la Uerem ko emarida uiabim gaire le la tag, uiaba ko abi ipit eumilu; uiaba emetu abi ipit eumilu, E iako eded akaida keubu gerger thri.

Luka 18:31

E ge naisare tuelf le, E uiabi daratagerare, Dasmer, mi nabakeuare Ierusalemaem, iaueakai ageakarem gaire lu uridili perofeta giz detarare abele mer abim Le la Uerem.