Mataio 27:2 - Miriam Mer Gospels 1902

² Uiaba abi didbari, ege uiaba datkimoardare a abi ikuar Pontio Pilato abele opole.

Mataio 27:2 ပူးပေါင်းရင်းမြစ်များ

Mataio 20:19

Uiaba abi namarid uiabim gaire nogle, iaueakai uiaba abi neg degarare, pako damerik, a ko abi satauroem: E ko eded akaida thri gerger.

Mataio 28:14

Ese opole asoli, a keriba abi idkubi, iaueakai uaba nagri debele.

Luka 13:1

Abele kerker uader tabakeuare, uiaba abi etomertare Galilaia le, abelelam Pilato asesered uiaba mam, pako mam tababu baotiare.

Luka 20:20

Ui ge deraimerare, a uader namarkare abi dasmerare, a uiaba bes oituli, iaueakai nagri mer, a uiaba ais ikuar opole ra tagem a sirdamem.

Luka 23:1

Ege uiaba uridili bako, a abi egardare Pilatoim,

Luka 23:12

Ege Pilato a Heroda, uiaba ko debele abele gerger: abelelam uiaba kekiam ueku ueku.

Luka 3:1

Ege fifitin urut abele kerker ge, Tiberio Kaisara emeri opole, Ponotio Pilato Iudaia sirdam, Heroda ge Galilaia opole, pako Filipo ra narbet Ituria opole pako nerute ged Trakoniti, pako Lusanio Abilene opole,

Ioane 18:12

Kole ra ares le giz, a Iudaia tarim le, Iesu terpeirare, a abi didbarare.

Ioane 18:24

Ana abi didbari a emarida Kaiafaem, zogo tarim le.

Ioane 18:28

Uiaba Iesu Kaiafaelam tagaret kot metaem, abele banege. Uiaba nole barot abele kot meta, ueakai uiaba nole uit kak, ko paseka eroli.