Mataio 26:63 - Miriam Mer Gospels 1902

⁶³ Epe Iesu nole mer kak. Ege zogo le abim detager, kega, Kaka mari detager, Ma iskosi keribim edede Ad ra nei, nako mama Keriso Ade ra Uerem?

Mataio 26:63 ပူးပေါင်းရင်းမြစ်များ

Mataio 16:16

Ege Simona Peteru abi detaut, kega, Mama Keriso, Ade ra Uerem eded.

Mataio 26:62

Abele zogo le ekue, a abim kega, Nako ma nole mer etkalu? nako neis le ra mer marim?

Mataio 27:12

Gaire zogozogo le giz pako aule giz uiaba abi etomertare gaire abara mer, epe E nole mer kak.

Mataio 27:14

Epe E nole abi etkalu netate mer; abelelam abele opole au damred.

Mataio 27:40

Kega, Mama le zogo meta ezageri, a neis netat gerger ko ikeli, ma mabu eded. Ese mama Ad ra Uerem, ma mabu tarabu abele sataurolam.

Mataio 27:43

E Adim oituli; debele peirdi E abi idigir, ese E abi omare: abelelam E detager, kaka Ade ra Uerem.

Mataio 27:54

Abele kerem le netate handed nosik le, pako uader le kemem Iesu abi asesered, uiaba erdarare abele sep demali, pako gaire lu ikerare, a uiaba au geum, kega, Ageakar Ade ra Uerem idali.

Mataio 4:3

E toabukilu abele le mirem, kega, Ese mama Ade ra Uerem, ma detager gaire baker a depegire leuer ise.

MAREKO 14:61

Epe E bazeguar, a nole mer kak. Ege kole zogozogo le giz iako abim eutumer, a abi detager, kega, Ma Keriso nali, Aosperera ra Uerem me?

Ioane 1:34

Kaka dasmer, a kaka ageakarem, kega, Ade ra Uerem pedali.

Ioane 1:49

Nathaniela abim etkalu, kega, Rabi, ma Ade ra Uerem, a Isaraela ra Opole.

Ioane 10:24

Iudaia giz netate gedim abi derumeda, a abi detager, kega, Ma keribi bamsili naket gerger? Ese mama Keriso, paret kak keribim detaut.

Ioane 10:30

Kaka pako Aba, ki netat.

Ioane 10:36

Nako, uaba detager abi abei abele Aba zogoem a gesepem namarida, kega, Ma baospili; abelelam kaka detager, kega, Kaka Ade ra Uerem?

Ioane 18:37

Pilato abi detager, kega, Nako, ma opole? Iesu detaut, kega, Ma detager kaka opole. Abelelam kaka naosmeda, abelelam kaka gesepem tarabu, ueakai kaka ko ageakar ageakarem. Gaire le uridili ageakalam kara kodo mer asoli.

Ioane 19:7

Gaire Iudaia le abi detaut, kega, Keriba gelar nagri, abkoreb abele gelar E ko eumida, abelelam tababu akailu Ade ra Uerem.

Ioane 19:9

E iako kot meta balu, a Iesuim eutumer, kega, Ma na gedelam? Iesu nole abim etkalu.

Ioane 20:31

Emetu abele gaire lu detali ueakai uaba dikiaporauem, kega, Iesu Keriso kar, Ade ra Uerem: ueakai uaba onatereda, uaba ko eded nagri abi neilam.

Ioane 6:69

Ki oituli, a opasereret, mama Keriso, Ade ra Uerem niai eded.

Ioane 8:25

Uiaba abi detautare, kega, Mama nete? Iesu uiabi detaut, kega, Pedali kaka uabi detager gizlam.