Mataio 26:58 - Miriam Mer Gospels 1902

⁵⁸ Epe Peteru muriz ge abi irmili, zogo le ra meta tabarki, a balu a emri kemem gaire memeg le, E lagelag erdali abele mop.

Mataio 26:58 ပူးပေါင်းရင်းမြစ်များ

Mataio 26:3

Abele kerker etami gaire zogozogo le giz, pako aotale giz, pako aule giz abgedlam abele zogo le ra meta ge, abara nei Kaiafa;

Mataio 5:25

Ma dudum abi itikubi abele le ezoli abara gaire lu mari dog, peirdi uaba okakis abele gab ge; iaueakai nole mari emarid abele meratager abele le ezoli abara lu, a ko mari emarid abele meratager tarima le, E tarima le mari emarid abele memeg le, a memeg le mari emarid abele audubare meta.

Luka 22:54

A ui ge abi erpeirare, a tegared zogozogo le giz ra meta. A Peteru muriz ge abi irimli.

Ioane 18:25

Simona Peteru ekueilu ge bauger. Uiaba abi detager, kega, Nako, ma nole nerute abara kaimeg giz? E asared, a detaut, kega, Kaka nole.

Ioane 19:6

Gaire zogo tarim le, a gaire asesered le abi dasmer, uiaba elele ereretikri, kega, Satauroem, satauroem. Pilato uiabim detaut, kega, Ua abi egardare, a satauroem: abelelam kaka nole nerute uit ardar kak abi dog.

Ioane 7:32

Gaire Faresaio asoli uiaba lekub abim basardare abele gaire lu; gaire zogo kemle a gaire Faresaio namarida gaire asesered le abi terpeirare.

Ioane 7:45

Gaire asesered le akomeda gaire zogo kemle pako Faresaio giz; uiaba uiabim detaut, kega, Nalugelam uaba nole abi tegaret?