Mataio 26:55 - Miriam Mer Gospels 1902

⁵⁵ Peirdi abele haua kige, Iesu detager gaire le lakub, Nako uaba karim tabakeuare, gaire teibur aososo tulik, pako gabgab ko erpei mokakalam idikeda le ise? Meriba bamer abele zogo meta, kaka uabi ereuerem gaire gerger, a uaba nole kari erpei.

Mataio 26:55 ပူးပေါင်းရင်းမြစ်များ

Mataio 21:23

E balu abele zogo meta, a ereuerem, E abim tabakeuare au zogozogo le giz pako aule giz abele ged ge, a uiaba mer, kega, Nalu abele sirdam ma ikeli gaire lu? Nete le marim ikuar abele sirdam?

Mataio 26:47

Dasmer, E mer detaut, Iuda tabarki, nerute le tuelf lelam, E kemem gaire le lakub, pako zogozogo le giz, a aule giz abgedlam, uiaba nagri teibur aososo tulik pako gabgab.

MAREKO 10:1

E ab gedelam tekue, a bakeam Iudaia nener ge abele Ioridano apek; iako gaire le netat gedim abim; E uiabi ereuerem, mokakalam abara tonar.

MAREKO 12:35

Iesu muige zogo meta ereuerem, a detager, kega, Nalugelam aotale giz detagereda, kega, Keriso Dauida ra uerem?

Luka 19:47

Ege E ereuerem muige zogo meta gaire gerger. A zogozogo le giz, pako aotale giz, pako tarim le, abele ged ge, ege uiaba lagelag abi ipit:

Luka 20:1

Nerute gerger, E ereuerem abele ged ge, muige zogo meta, a etomeret debe mer, a uiaba zogozogo le giz a aotale giz, a aule giz ekue;

Luka 4:20

Ege jauali ditarat, E ikuar memeg le, ege lokod ge emeri: epe gaire le dasmerare abim sunago ge.

Ioane 7:14

Uetpur ge eipu, Iesu zogo metaem bakeamuda, a okadaraskeda.

Ioane 7:28

Iesu ereretiki zogo meta ge, E okadeskeda a detager, kega, Uaba kari umele, a uaba umele kaka nagelam; kaka nole karbabu tabarki, E ageakar, kari namarida, a uaba abi umer kak.

Ioane 8:2

Idim ge, Iesu iako zogo meta ge balu, gaire le lakub abim tabakeuare; E emri, a uiabim okadeskeda.

Ioane 8:20

Abele gaire mer Iesu detaut mani epei ge, E zogo meta ge okadeskeda: a nole le abi terpei; abelelam abara kerker nole tabarki.