Mataio 26:29 - Miriam Mer Gospels 1902

²⁹ Kaka uabi detager, kega, Kaka nole aree kak abele uina turumlam, mena bakedida abele gerger kaka ko aree abele kerkar uaina uabi kemem kara Aba ra baselaia.

Mataio 26:29 ပူးပေါင်းရင်းမြစ်များ

Mataio 13:43

Ege uiaba barkak tonar au zorom, mokakalam lem, abele uiaba Aba ra baselaia ge. Abele le grip nagri ko asoli, debele E asoli.

Mataio 16:28

Ageakar kaka uabi detagereda, Uader le ike nole eud kak, mena dasmerare Le la Uerem ko tabarki abara baselaia ge.

Mataio 18:20

Abelelam abele uteb etami neis le pako neis netat le kara nei ge, kaka uiabi kemem.

Mataio 25:34

Abele Opole uiabi detager uader le abara tuter tag, Uaba tabakeuare uaba emetu kara Aba uabi ikuar debe mer, uaba uteb abele baselaia, emetu derser uabim a nole detagem abele geseb ge:

Mataio 26:28

Abelelam kara mam ike, abele mam kerkar gelar ko epaitered gaire le giz adem dikri le ra uite giz.

Mataio 26:30

Uiaba emetu uedakiriare nerute ued, a uiaba Oliua paserem bakeamuda.

Mataio 28:20

Uaba uiabi ereuerem, a asesered gaire lu uridili kaka uabi detager: dasmer, kaka ko uabi kemem gaire gerger uridili, bakedilu abele geseb ra mop. Amen.

MAREKO 14:25

Ageakar, kaka uabi detagereda, kega, Kaka nole iako aree kak abele uina turumlam, kekiam tabarki abele gerger kaka ko aree kerkar uina Ade ra baselaia ge.

Luka 12:32

Uaba nolea geum kak kebi mamoe giz; abelelam uaba Aba E lagelag uabi ikuar abele baselaia.

Luka 15:32

Ege abkoreb mi sererege: abelelam mara le pedali, E eumida, a ko eded akaida; E badimirida, a ko erdali.

Ioane 15:11

Kaka emetu uabim detaut abele gaire mer, ueakai kara sererge niaiem tekue uabi nerkep ge, ueakai uaba sererge kemerkemer.

Ioane 16:22

Peirdi, uaba nagri okasosok: kai iako uabi dasmer, ege uaba nerkep sererge, nole nerute le uabi sererge itker.

Ioane 17:13

Peirdi, kai marim nabakeamulu: kaka detaut abele mer abele geseb ge, ueakai kara sererge bakedida uiaba nerkep.