Mataio 25:8 - Miriam Mer Gospels 1902

⁸ Ege paim paim neur uiaba uiabi daratagerare pardali neur, Uaba keribi ikuar ide; abelelam keriba lamepa maike asameida.

Mataio 25:8 ပူးပေါင်းရင်းမြစ်များ

Mataio 25:1

Abele kerker kotor baselaia abkoreb ten gaire neur, uiaba ais uiaba lamepa, a uiaba bakeuare obapit abele le kerkar kosker ispid.

Mataio 25:7

Ege neur uridili bako, a derser uiaba lamepa.

Mataio 25:9

Epe pardali neur uiabi etkalu, kega, Nole abkoreb keribim pako uabim; debele uaba bakeuare uader le lu terapei, ua ko bodomalam uiabim.

Mataio 3:9

Uaba nole uabi dikiapore uaba nerkeplam, kega, Aberahama keriba aba; abelelam kaka uabi detager Ade umele depegeli baker peike ko Aberahama ra omasker.

Luka 12:35

Uaba dimiri uak ge, a uaba lamepa disirik;

Luka 16:24

E ereretikri, kega, Kara aba, Aberahama, ma kari omare, ma namarida Lazaro akmei tabara tag pem ni ge, ko itimoar kara uerut; abelelam kaka au asiasi abele ur au be.

Luka 8:18

Abelelam, debele uaba mamoro asoli: abelelam le nagri lu, a ko abim ikuar; epe le nole lu kak, a ais abielam abele lu E dikiapore abi dog.