Mataio 25:44 - Miriam Mer Gospels 1902

⁴⁴ Ege uiaba etkalu abim, kega, Opole ae, na gerger keriba mari erdali ma uererege, pako niap, pako supe le, pako nesur kak, pako gimgim, pako emeri abele audubare meta, a keriba nole mari memege le?

Mataio 25:44 ပူးပေါင်းရင်းမြစ်များ

Mataio 10:41

Abele le egared nerute perofeta a perofeta nei ge, E nagri bodomalam abele perofetalam; a abele le egared nerute le barkak tonar a le barkak tonar nei ge, E nagri bodomalam abele le barkak tonar.

Mataio 25:43

Kaka sup le, a uaba nole kari egared; kaka nole nesur kak, a uaba nole kari ikuar am uali; kaka gimgim, kaka emeri abele audubare meta, uaba nole kari dasmer.

Mataio 25:45

E uiabim etkalu, kega, Ageakar kaka uabi daratagerare, Abelelam uaba nole ikerare nerute le kebi kale uiaba ike, epe kakanali uaba nole ikerare.

Mataio 5:6

Uerkab uader le uererege a niap ge abele barkak tonarlam; abelelam uiaba gem osmeda.

Mataio 7:22

Gaire le kari detagarare niai gerger, Opole ae, Opole ae, nako keriba nole perofeta mara nei ge? a mara nei ge ko keriba dituaki gaire demoni giz? a mara nei ge ko keriba ikerare gaire adigir?

Luka 10:29

Epe E lagelage tababu barkakem, E Iesui detager, kega, Kaka umele, na le mai kes kari dog?