Mataio 24:30 - Miriam Mer Gospels 1902

³⁰ Ege erdali abele kotor ge abele atamelam Le la Uerem: a gaire nosik le abele geseb ge au ebazuer, a uiaba erdali Le la Uerem tabarki gaire baz abele kotor ge, pako abele adigir a au zorom zorom.

Mataio 24:30 ပူးပေါင်းရင်းမြစ်များ

Mataio 24:3

E emri abele Oliua paser, ege abara kaimeg giz abim tabakeuare uiaba tepteb, a uiaba kega, Ma keribi detagerare, Na kerker tabarki abele gaire lu? a nalu atamelam ma tabarki, pako abele geseb ra mop?

Mataio 24:37

Mokakalam Noa ra kerker, abkoreb Le la Uerem ko tabarki.

Mataio 24:39

A uiaba umer kak abele mega ogiri tabarki, a uiaba uridili ais adem eseamulu; mokakalam Le la Uerem ko tabarki.

Mataio 26:64

Ege Iesu abi detager, Eko, mama detager; kaka uabi detager, Keubu uaba erdali Le la Uerem E emri tuter tag abele adigir kemer le, E ko tabakeam gaire kotor baz giz ge.

MAREKO 13:26

A uiaba ko dasmer Le la Uerem baz giz ge tedegemele, kemem au adigir a zorom zorom.

MAREKO 13:4

Ma keribi detagerare abele kerker ko tabarki abele gaire lu, a nalu atamelam abele gaire lu uridili ko tabarki?

Luka 21:27

Epe uiaba erdali Le la Uerem tabarki baz kotor ge, E au adigri au zoromzorom.

Luka 22:69

E ditimeda peirdi, Ade ra Uerem emeri tuter peik, Ade ra au adigri.