Mataio 24:14 - Miriam Mer Gospels 1902

¹⁴ A ko etomeret debe baselaia ra mer gaire ged narid, ko ikeli ageakarem gaire ged narid; iaueakai bakedilu abele mop ge tabarki.

Mataio 24:14 ပူးပေါင်းရင်းမြစ်များ

Mataio 10:7

A ua bakeuare, a marau, kega, Kotor baselaia maike.

Mataio 18:19

Kaka uabi ko daratagerare, Ese uaba neis le abele geseb ge netate dikiapor nerute lu ko abi damsare kara Aba kotor ge, E ikeli abkoreb neis le la lag.

Mataio 24:3

E emri abele Oliua paser, ege abara kaimeg giz abim tabakeuare uiaba tepteb, a uiaba kega, Ma keribi detagerare, Na kerker tabarki abele gaire lu? a nalu atamelam ma tabarki, pako abele geseb ra mop?

Mataio 24:6

Uaba aserare abele barseda, pako ares ra mer; uaba nole okasosok, abelelam abkoreb bakedida peike gaire lu uridili, a nole tabarki abele mop ge.

Mataio 4:23

Ege Iesu deraueilu Galilaia uridili, E uiabi ereuerem uiaba sunago giz, E natomertare debe mer abele baselaia ge, a idigiri gim le giz gako asiasi gim abele ged uridili.

Mataio 9:35

Ege Iesu deraueli gaire utebe uridili pako kebi utebe, a ereuerem uiaba sunago ge, a marau abele baselaia ra debe mer, E nadgirare gim le uridili, pako au asiasi gim le abele ged ge.

MAREKO 13:10

Abkoreb kekiam euangelia marau uiabim gaire ged uridili.

Luka 2:1

Abele kerker ge Kaisara Augusto mer tigri, kega, Detaruem gesepem uridili.

Luka 24:47

Iaueakai natomertare obazgeda, a adigiri uit ged uridili, abara nei ge, ditimeda Ierusalema.

Luka 4:5

Epe diabolo abi ais nerute au perepere paserem abi etomeret gaire baselaia, ege daradgeredi.