Mataio 23:8 - Miriam Mer Gospels 1902

⁸ Ege uaba nole nei atker Rabi; abelelam netate uaba Ereuer le, abele Keriso idali, a uaba uridili keimer giz.

Mataio 23:8 ပူးပေါင်းရင်းမြစ်များ

Mataio 10:25

Au debele okakis ereuer le mokakalam abele le abi ereuerem, a ko abele memeg le mokakalam abara opole. Ese uiaba nei atker abele boai ra opole Belezebul, nako uiaba nole ikeli mokakalam abara boai?

Mataio 17:5

Dasmer, abele zoromzorom baz uiaba natkamda: ko dasmer, abele kodo mer bazelam, kega, Kara Uerem nase ge pedali, kaka abim sererege; uaba mamor abi asoli.

Mataio 23:10

Uaba nole nei atker ereuer le, abelelam netate uaba Ereuer le, Keriso idali.

Mataio 23:7

Pako gaire le uiabi nasege segur uteb ge, a gaire le giz uiaba nei natkerauem, Rabi ae, Rabi ae.

Mataio 26:25

Ege Iuda, le abi mirem, abi etkalu, kega, Rabi ae, nako kaka? E abi detager, Eko mama detager.

Mataio 26:49

E sobkak tabarki Iesuim, a abi kega, Rabi ae; a abi eskos.

MAREKO 10:51

Iesu abi detaut, kega, Nalu ma laglag kaka marim ikeli? Sademer le abi detager, kega, Raboni ae, kara pone iako bakaerti.

MAREKO 11:21

Peteru dikiapor, epe abim detager, kega, Rabi, dasmer, abele suke mama desauersili, abele ekeamulu.

MAREKO 14:45

E sobkak tabarki, E abim bakeam, a abi detager, kega, Rabi ae; a abi eskos.

MAREKO 9:5

Peteru Iesui detager, kega, Opole ae, debele meriba emri ike, keriba thri nole niai meta akerare; mara nerute, Mose ra nerute, a Elia ra nerute ko.

Luka 22:32

A kaka Adim damosi marim, iaueakai mara oituli nole aseemur kak: marim, ese depegeli mara nerkep, a mama au saserim mara le.

Ioane 1:38

Iesu egreemalu, a darasmer ui darali abi irmili, a ui darali detagerei, kega, Nalu ua deraimerei? Ui natkalei abim, kega, Rabi (tonar, Ereuer le), ma nade emri?

Ioane 1:49

Nathaniela abim etkalu, kega, Rabi, ma Ade ra Uerem, a Isaraela ra Opole.

Ioane 11:8

Ege kaimeg giz abi detager, kega, Rabi, emeret ge Iudaia giz mari deraimer ko bakeru mari natimdare; nako ma iako bakeam abele?

Ioane 20:16

Iesu abi detager, kega, Maria. E tegreamalu a abi detager, kega, Raboni: tonar, Ereue le.

Ioane 3:2

E ki ge Iesuim tabakeam, a abi detager, kega, Rabi, keriba umele ma ereuer le tarabu Adelam: abelelam nole nerute le umele ikeli abele gaire atamelam mama ikeli, ese Ade nole abi dog.

Ioane 3:26

Uiaba Ioaneim tabakeuare, a abi detagereda, kega, Rabi, abele le mari dog, Ioridano apek, mama emetu abi ageakarem, dasmer, E ko bapataiso, a gaire le uridili abim tabakeuare.

Ioane 4:31

Inoka dali, kaimeg giz abi ekailu, a detager, kega, Rabi, ero.

Ioane 6:25

Uiaba abi erdali kei apek abele keper, uiaba abi detaut, kega, Rabi, ma ge tabarki na gerger ge?

Ioane 9:2

Abara kaimeg giz abi nautmerare, kega, Rabi, nete adud, E dali, nako abara aba a apu, abelelam E esmelu sadamer?