Mataio 23:34 - Miriam Mer Gospels 1902

³⁴ Dasmer abele lu, kaka uabi namarida perofeta giz, pako pardali le giz, pako aotale le giz; uader le uaba narsare, pako satauroem; a uader le uaba damarika uaba sunago, pako deraimerare nerute uteb a nerute uteb;

Mataio 23:34 ပူးပေါင်းရင်းမြစ်များ

Mataio 10:23

Ese uiaba uabi dedkoli nerute uteb, a ua ko kored bakeuare nerute utebem; abelelam a ageakar kaka uabi detagereda, Umer kak uaba basiki Isaraela ra uteb uridili, mena Le la Uerem tabarki.

Mataio 13:52

Ege E uiabim daratagerare, kega, Dasmerare, aotale le uridili emetu ereuerem abele kotor baselaia, uiaba mokakalam tarim le la boai, E tais emeret lu pako kerkar lu tabara luga metalam.

Mataio 23:31

Peike abele mer uabu etomeret uabim, uaba omasker gaire le giz narsare gaire perofeta giz.

Luka 24:47

Iaueakai natomertare obazgeda, a adigiri uit ged uridili, abara nei ge, ditimeda Ierusalema.

Ioane 16:2

Uiaba ko uabi dituaki sunagolam: kerker ko tabarki abele le uabi ipitare, E ko dikiapor E Ade ra dorge ikeli.

Ioane 20:21

Iesu iako uiabi detager, kega, Mapodon uabim: kaka uabi namarida mokakalam Baba kare namarida.