Mataio 23:13 - Miriam Mer Gospels 1902

¹³ Uaiai uaba aotale pako Faresaio, bes le giz! abelelam uaba dimi abele kotor baselaia lelam; abelelam uaba umer kak barot, a uaba ko daraisumdarare uader le barota.

Mataio 23:13 ပူးပေါင်းရင်းမြစ်များ

Mataio 23:16

Uaiai uaba datkimuar sadamer le, a uaba mer, Ese le iskosi abele zogo meta nolea kar, epe le iskosi abele zogo meta ra golo, niaiem peike!

Mataio 23:23

Uaiai uaba aotale pako Faresaio, bes le giz! uaba ikuar kebi lu abele mili pako abele aneto pako abele kumina, a gaire au lu uaba ispilu abele gelarlam, abele barkak tonar, pako abele omare, pako abele oituli: abkoreb ikelare lu ike, a nole dikaer lu peike.

Mataio 23:25

Uaiai uaba aotale pako Faresaio, bes le giz! uaba dirup abele tanelu ge ra sor pako abele kumeti, epe muige mitkar lu itike pako abele adud tonar giz.

Mataio 23:27

Uaiai uaba aotale pako Faresaio, bes le giz! abelelam uaba mokakalam ao giz, adige au kakekake, debele le dasmer, epe muige mitkar eud le la lid, pako gaire adud lu uridili.

Mataio 23:29

Uaiai uaba aotale pako Faresaio, bes le giz! abelelam uaba emoare gaire perofeta uiaba ao, a ko deiriem uiaba ao le barkak tonar giz,

Mataio 3:7

E nardarare gaire Faresaio giz gako Sadukaio giz tabakeuare abim bapataisoem, E ui daratagerare, kega, Areg tabo ra omasker ae, nete uabi detomerta uaba deraret abele niai urker?

Luka 11:52

Uaiai uaba gelar giz, ereuer le! abelelam ua aisare ki pardar: ua nole barot, a ua daisumda uader lagelag barot.

Ioane 9:22

Abara aba a apu abele detaut, abelelam uiaba Iudaia giz geum: Iudaia giz netate mer, kega, Ese nerute le abi abeilu Keriso pedali, uiaba ko abi imuare sunagolam.

Ioane 9:24

Uiaba iako neisi dabgeri abele sadamer le, a abi detager, kega, Ade despili: keriba umele adud le dali.

Ioane 9:34

Uiaba abi detaut, kega, Ma eosmeda uitelam, nako ma keribi okadeskeda? Uiaba abi imuare.