Mataio 22:24 - Miriam Mer Gospels 1902

²⁴ Kega, Ereuer le ae, Mose keribi mer tigri, Ese eumilu nerute le, a nole uerem kak, abara keimer ko ispi abara kosker, iaueakai nagri kusi abi keimerlam.

Mataio 22:24 ပူးပေါင်းရင်းမြစ်များ

Mataio 22:16

A uiaba namarkare abim uiaba kaimeg giz kemem pako Herodiano giz, abi kega, Ereuer le ae, keriba umele ma le ageakar, mama ereuerem Ade ra gab pako ageakar, ma nole geum nerute le: abelelam ma nole dikiapore nerute le.

Mataio 22:25

Keribi dog emri sefen gaire uerem: a narbet uerem ispi abara kosker, E eumilu a nole uerem kak, abara keimer ko ispi abara kosker:

Mataio 22:36

Ereuer le ae, na gelar aule?

Mataio 7:21

Umer kak barota kotor baselaia uiaba uridili kari mer mokakalam, Opole ae, Opole ae; epe abele le ikerare kara Aba ra lag penoka dali kotor ge.

MAREKO 12:19

Ereuer le ae, Mose keribi detali, kega, Ese nerute le la keimer eumida, a abara kosker dikaerti, a nole uerem kak, abara keimer abele kosker egared, ko abi keimer kesem.

Luka 20:28

Ereuer le ae, Mose detali keribim, Ese nerute le la keimer eumida, abara kosker dikaerti, a nole uerem kak, abara keimer abele kosker egared, ko keimer kesem.

Luka 20:33

Ese ko eded akaida tabarki, nete le uiabielam ais abele kosker? abelelam sefen le egared abele kosker.

Luka 6:46

Nalugelam uaba etomeret karim, Opole, Opole, a uaba nolea ikeli mokakalam kara mer?