Mataio 20:22 - Miriam Mer Gospels 1902

²² Ege Iesu etkalu, a uiabi kega, Uaba umer kak abele lu ua kari namosi. Nako uaba umele ereli abele tanelu kaka are, a ko bapatiso abele kari bapatiso ge? A neis le abim kega, Keriba umele.

Mataio 20:22 ပူးပေါင်းရင်းမြစ်များ

Mataio 26:35

Peteru iako elele detager, kega, Ese kaka mari kemem naumilu, kaka nole mari asared kak. Uiaba uridili daratagered abkoreb.

Mataio 26:39

E kebikebi bakeam, a E etkobeilu, a esorerapare, kega, Kara Aba ae, ese umele, adem abele tanelu karielam; epe nole kara lag ikeli, mabara lag ikeli.

Mataio 26:42

E iako bakeam, a esorerapare, kega, Kara Aba ae, ese nole umele adem abele tanelu karielam, mena kaka aree, mabara lag ikeli.

Mataio 26:56

Gaire lu uridili ikerare, iaueakai bakedilu gaire perofeta giz uiaba iauali. Abara kaimeg giz abi dikaerti, a uiaba derar.

MAREKO 14:36

E detager, kega, Aba, Baba, mama umele gaire lu eseemuda; karielam ekao abele tanelu; epe nole kara lag ikeli mabara lag ikeli.

Luka 12:50

Karbara bapataiso kaka bapataiso; kaka au asias mop ge bakedida!

Luka 22:42

E abi detager, kega, Aba, ese ma lagelag, abele tanelu karielam adem: kara lag nole ikeli, debele mabara lag ikeroa.

Ioane 18:11

Iesu Peteru detager, kega, Mabara tebur ausos tulik iako sorge dasiri: nako, kaka nole are kak abele tanelu Baba de kari nakuar?