Mataio 20:19 - Miriam Mer Gospels 1902

¹⁹ Uiaba abi namarid uiabim gaire nogle, iaueakai uiaba abi neg degarare, pako damerik, a ko abi satauroem: E ko eded akaida thri gerger.

Mataio 20:19 ပူးပေါင်းရင်းမြစ်များ

Mataio 12:40

Abelelam mokakalam Iona muige abele au lar kem ge neis netat gerger ge, a neis netat ki ge; mokakalam Le la Uerem ko muige sep ge neis netat gerger ge, pako neis netat ki ge.

Mataio 16:21

Abele kerker Iesu ditimedlu ko natomertare abara kaimeg giz abkoreb E Ierusalemaem bakeamulu, ko gaire lu aiasi ikeli abim gaire aule giz pako zogozogo le giz pako aotale giz, uiaba abim ipitare eumida, E ko eded akaida thri gerger.

Mataio 17:23

Uiaba ko abi ipit eumilu, a ko eded thri gerger. Ege uiaba au okasosok.

Mataio 27:26

E Barabasa namarid uiabielam, E abi damarik Iesu, a ko ikuar abi satauroem.

Mataio 27:63

Kega, Opole ae, keriba ko dikiaporare abele bes le E emetu detager, Abele kerker eded, eseamud neis netate gerger kaka ko tekue.

MAREKO 14:65

Uader le ditimeda abi mos itu, a abara op demdare, a abi detapiare, a abi detager, kega, Ma ko perofeta; a memeg le giz abi ipitare tag de.

MAREKO 15:1

Ege idim ge gaire kole zogozogo le giz, a au le giz, a aotale giz, pako gaire tarim le giz ko mer atagere; uiaba emetu Iesu didbare, uiaba abi egared, a Pilato nakuar.

MAREKO 15:15

Pilato lagelag gaire le lakub ra nerkep ko sererge, E Barabasa uiabim namarida, a emetu Iesu damrik, E abi ikuar ko satauroem.

Luka 18:32

Abelelam, E nakuarare uiabim gaire nogle, ui ge abi negdegarare, a abi dedkoli, a uiaba mosu ituare:

Luka 23:11

Heroda pako abara ares le, uiaba abi dituaki, a abi negneg, a zoromzorom uali ame, a ko Pilatoim egaredare.

Luka 24:46

E uiabi daratagerare, kega, Emetu detali, Abkoreb Keriso asiasi, a thri gerger ko eded akaida eudlam;