Mataio 2:4 - Miriam Mer Gospels 1902

⁴ E natameare gaire zogozogo le giz a aotale giz abele ged ge, E uiabi nautmerare nade Keriso esmelu.

Mataio 2:4 ပူးပေါင်းရင်းမြစ်များ

Mataio 13:52

Ege E uiabim daratagerare, kega, Dasmerare, aotale le uridili emetu ereuerem abele kotor baselaia, uiaba mokakalam tarim le la boai, E tais emeret lu pako kerkar lu tabara luga metalam.

Mataio 2:3

Heroda opole asor, E okasosok gako Ierusalema uridili.

Mataio 2:5

Uiaba abi detagerare, Muige Bethelema Iudaia ge; abelelam perofeta detarare, kega,

Mataio 21:15

Gaire au zogozogo le giz pako aotale giz a uiaba erdali abara adigir E ikeli, a kebile giz ereretikri abele zogo meta, kega, Hosana abele Dauida ra Uerem; ege uiaba au uekueku,

Mataio 21:23

E balu abele zogo meta, a ereuerem, E abim tabakeuare au zogozogo le giz pako aule giz abele ged ge, a uiaba mer, kega, Nalu abele sirdam ma ikeli gaire lu? Nete le marim ikuar abele sirdam?

Mataio 26:3

Abele kerker etami gaire zogozogo le giz, pako aotale giz, pako aule giz abgedlam abele zogo le ra meta ge, abara nei Kaiafa;

Mataio 26:47

Dasmer, E mer detaut, Iuda tabarki, nerute le tuelf lelam, E kemem gaire le lakub, pako zogozogo le giz, a aule giz abgedlam, uiaba nagri teibur aososo tulik pako gabgab.

Mataio 27:1

Gerger osakeida, gaire zogozogo le giz uridili, pako aule giz abgedlam uiaba mer atager Iesu ko abi ipit eumilu:

Mataio 7:29

Abelelam E ereuerem uiabim mokakalam le nagri sirdam, a nole mokakalam aotale giz.

MAREKO 8:31

E ditimeda uiabi ereuerem, Le la Uerem ko asiasi, a aule giz abi derar, a gaire tarim le, a zogozogo le giz, a aotale giz, ko abi ipit eumilu, a keubu thri gerger E iako eded akaida.

Luka 20:19

Ege zogozogo le giz, pako aotale giz, uiaba lagelag abi erpei abele haua ge; a uiaba au geum abele ged; abelelam uiaba umele, abele mer uiabim babisdarie.

Luka 23:10

A zogozogo le a aotale giz, ui bako, a elele abi etomeret.

Ioane 18:3

Iuda taraisare gaire ares le, a gaire tarim le, uiabielam gaire zogo le, a gaire Faresaio, a kei tabarkare gaire lamepa kem, a gaire be kem, a gaire ares lu.

Ioane 3:10

Iesu etkalu, a abi detager, kega, Nako, ma Isaraela ereuer le, a nole erdali abele gaire lu?

Ioane 7:32

Gaire Faresaio asoli uiaba lekub abim basardare abele gaire lu; gaire zogo kemle a gaire Faresaio namarida gaire asesered le abi terpeirare.

Ioane 8:3

Uiaba aotale giz pako Faresaio giz abim tegaret nerute eruam kosker, emetu erpei kerker eruamlam; a eipu ekueirare,