Mataio 19:27 - Miriam Mer Gospels 1902

²⁷ Ege Peteru de abim detaut, kega, Dasmer, keriba dikaer gaire lu uridili, a keriba mari narmili; nalu keriba lu nagri?

Mataio 19:27 ပူးပေါင်းရင်းမြစ်များ

Mataio 19:26

Iesu uiabi dasmer, a uiabi detager, Le giz umer kak abele lu; epe Ade umele gaire lu uridili.

Mataio 19:28

Ege Iesu uiaba detager, Ageakar kaka uabi detager, Uaba kari narmili, ese Le la Uerem egimuru taba opole bao ge a zorom ge, abele ko ditimedlu, a uaba ko bagiri opole bao ge tuelf, a mer atager Isaraela ra nosik tuelf.

Mataio 9:9

Ege Iesu bakeamulu adem abele utebelam, epe E erdali abele le emreder abele meta ge a asesereder zegu mani, abara nei Mataio; E abi detager, Ma kari narmili, ege E tekueilu, a abi irmili.

MAREKO 10:28

Peteru ditimeda ko abi detager, kega, Dasmer, keriba emetu dekaer keriba lu uridili, a mari narmili.

MAREKO 2:14

E uteb esaimelu, E Leui, Alefaio ra uerem, dasmer meta dipumeda emeri, E abi detager, kega, Kari narmili, E ekueilu a abi irmili.

Luka 14:33

Mokakalam abele le nole abkoreb kara kaimeg, ese E nole adem gaire lu uridili.

Luka 15:29

Ege E abi detager, abara aba, kega, Dasmer, gaire urut kaka mara memeg le, gaire mara mer kaka nole batauered: ma nole kari ikuar kebi nani, ki sererege debudkem:

Luka 18:28

Epe Peteru abi detager, kega, Dasmer, keriba dikaer gaire lu uridili, a keriba mari irmili.

Luka 5:11

Ege uiaba nar akaridalie, epe uiaba gaire lu uridili dikaer, a uiaba abi irmili.