Mataio 19:21 - Miriam Mer Gospels 1902

²¹ Iesu abim detager, Ese ma lagelag debele kemerkemer, mara tonar ma bakeam a ko terapei gaire mara lu, ma uiabi nakuarare gaire lu kak le, iaueakai mara lu nagri kotor ge gaire debe lu giz, a ma tabakeam, kari narmili.

Mataio 19:21 ပူးပေါင်းရင်းမြစ်များ

Mataio 16:24

Iesu uiabi detager abara kaimeg giz, Ese le lagelag kari narmili, nole abkoreb ko irmili tabara lag, debele E ko ais tabara satauro, a kari narmili.

Mataio 19:20

Ege abele makeriam abim detaut, Ka umele asesered gaire lu uridili kebi ueremlam; a nalu lu kaier kaka nole ikeli?

Mataio 19:22

Ege abele makeriam asoli abele mer, E adem bakeam au okasosok; abelelam gaire abara lu.

Mataio 19:28

Ege Iesu uiaba detager, Ageakar kaka uabi detager, Uaba kari narmili, ese Le la Uerem egimuru taba opole bao ge a zorom ge, abele ko ditimedlu, a uaba ko bagiri opole bao ge tuelf, a mer atager Isaraela ra nosik tuelf.

Mataio 4:19

E uiabi detager, Ua kari narmili, kaka uaba depegimelu le asaperem.

Mataio 5:48

Dasmerare, abkoreb uaba debe tonar kemerkemer, mokakalam uaba Baba emerilu kotor ge, E debele kemerkemer.

Mataio 8:22

Ege Iesu abi detager, Kari narmili; a dikaer eud le giz uiaba etkobei eud le giz.

Mataio 9:9

Ege Iesu bakeamulu adem abele utebelam, epe E erdali abele le emreder abele meta ge a asesereder zegu mani, abara nei Mataio; E abi detager, Ma kari narmili, ege E tekueilu, a abi irmili.

MAREKO 10:21

Iesu abi dasmer, a abi omare, a abi detager, kega, Netate lu ma nolea; bakeamu, a mabara lu terapei, a gaire le lu kak nakuarare, iako mara lu nagri kotor ge; a tabakeam satauro ekadar, a kari narmili.

MAREKO 2:14

E uteb esaimelu, E Leui, Alefaio ra uerem, dasmer meta dipumeda emeri, E abi detager, kega, Kari narmili, E ekueilu a abi irmili.

MAREKO 8:34

E emetu le lakub, kemem abara kaimeg giz, darabgereda, E uiabi detagereda, kega, Nerute le laglag kari narmili, mamoro E tababu obogai, a abara satauro bakuar, a kari narmili.

Luka 12:33

Debele uaba lu bodomalam, ueakai uabi ikuar; ueakai uaba nagri debe epei, kotor lu nolea eseamur kak, nolea maike eruam le, a nolea degem aro kak.

Luka 14:33

Mokakalam abele le nole abkoreb kara kaimeg, ese E nole adem gaire lu uridili.

Luka 16:9

Kaka uabi detagereda, Abele mamona nole barkak tonar uabim, iaueakai uaba tebud keubu uabi tegaret uiaba meta niai karem.

Luka 18:22

Ege Iesu de asoli abara mer, ege abi detager, kega, Netate lu ma nolea erdali: ma terapei mara lu uridili, ma naisuerare uader le nole lu kak, iaueakai ma nagri debe lu kotor ge: a ma tabakeam, kari narmili.

Luka 5:27

Ege abele lu eseamulu, epe E osmed, ege E erdali nerute telona giz, abara nei Leui, ege E emeri meta dipumed: E abi detager, kega, Kari narmili.

Luka 6:40

Kaimeg giz nole aule kak abara ereuer le: mokakalam abara ereuer le, debele.

Luka 9:23

Ege E uiabim gaire le uridili detager, kega, Ese nerute le lagelag kari narmili, mamoro E tababu obogai, abara satauro bakuar gaire gerger, a kari narmili.

Ioane 10:27

Gaire kara mamoe asoli kara kodo mer, a kaka uiabi umele, a uiaba kari irmili:

Ioane 12:26

Ese nerute le kara memeg le, abara dorge kari narmili; abele uteb kaka emri, kara memeg le la uteb dali: ese nerute le kari memeg le, Baba de abi despili.