Mataio 19:14 - Miriam Mer Gospels 1902

¹⁴ Ege Iesu uiabi detager, Nole aisumdar kak, karim tabakeuare: abelelam uiaba ike abkoreb mokakalam kotor baselaia ge.

Mataio 19:14 ပူးပေါင်းရင်းမြစ်များ

Mataio 11:25

Peike abele haua ge Iesu abi detager, kega, Kaka marim esoao, kara Baba ae, kotor Opole pako geseb ge, abelelam ma ispi gaire lu ike gaire pardale le giz pako umele le, a ma etomeret gaire lu ike uiabim gaire uerem giz:

Mataio 18:3

A uiaba kega, Ageakar kaka uabi detager, Ese uaba nole depegeli a ko mokakalam kebile ise, umer kak uaba bao abele kotor baselaia ge.

Mataio 19:15

E uiabi dikmerik abara tag, ege E adem bakeam abele utebelam.

Mataio 5:10

Uerkab uader le dedkoli abele barkak tonarlam; abelelam uiaba nagri kotor baselaia.

Mataio 5:3

Uerkab uader le gebegeb nerkep; abelelam uiaba uteb kotor baselaia.

MAREKO 10:14

Iesu dasmer, abara nerkep asiasi, E uiabim detagereda, kega, Kebi omasker karim taramarkare, nole uiabi aisumdar kak; abelelam, Ade ra baselaia uiabi koreb.

MAREKO 10:15

Ageakar, kaka uabi detagereda, kega, Ese nerute le Ade ra baselaia nole erpei kak mokakalam kebile, E nole abele ge badare.