Mataio 18:14 - Miriam Mer Gospels 1902

¹⁴ Mokakalam uaba Aba dali kotor ge, nole lakak nerute uiaba ike kebi kale ko abi.

Mataio 18:14 ပူးပေါင်းရင်းမြစ်များ

Mataio 18:13

Ese E erdali, ageakar kaka uabi detager, E aukase sererege abele, a kebikebi abele nainete naine nole adimir kak.

Mataio 18:15

Ese mara le mari nadkoli, ma bakeam a abi baraditug uaba neis le tepteb: ese E mari asoli, ma emetu erpei mabara le.

Mataio 5:16

Uaba datki mokakalam le la opem, iaueakai uiaba erdali uaba debe tonar, uiaba naospered uaba Aba emeri kotor ge.

Mataio 6:32

Abelelam gaire lu peike gaire nogle giz deraimerare; abelelam uaba Aba penoka dali abele kotor ge, E dasmerauem gaire lu uridili abkoreb uabim.

Mataio 6:9

Dasmerare, uaba esorerapare mokakalam: Keriba Aba kotor ge, zogoem mara nei.

Luka 12:32

Uaba nolea geum kak kebi mamoe giz; abelelam uaba Aba E lagelag uabi ikuar abele baselaia.

Ioane 17:12

Kaka mena uiabi dog geseb ge, kaka uiabi nasesered mara nei ge: kaka uiabi nasesered mama kari nakuar, nole nerute abi kak, eud uerem tepteb abi; ueakai bakedida abele zogo mer emetu detali.

Ioane 21:15

Uiaba emetu eroare, Iesu Simona Peteru detager, kega, Simona, Iona ra uerem, ma kari lag uiabi tumge? E abi detager, kega, Eko, Opole; ma umele kaka mari lag. E abi detager, kega, Kara kebi mamoe giz darasisiare.