Mataio 18:10 - Miriam Mer Gospels 1902

¹⁰ Uaba nole dedkoli nerute uiaba ike kebi kale; abelelam kaka uabi detager, Uiaba angela dali kotor ge ner kak uiaba dasmered kara Aba ra op dali kotor ge.

Mataio 18:10 ပူးပေါင်းရင်းမြစ်များ

Mataio 1:20

E okabatagere abele gaire lu, dasmer, abele Opole ra Angela etomelu abi abele peim, kega, Iosefa ae, Dauida ra uerem, ma nole geum ma ko egaret Maria mara kosker; abelelam abara kem Lamar Zogolam.

Mataio 12:20

E nole narbeid abele mebud pakesa, E nole asameida abele uik kebikebi datki, a mena E upinati abele meratager ko saserim.

Mataio 18:14

Mokakalam uaba Aba dali kotor ge, nole lakak nerute uiaba ike kebi kale ko abi.

Mataio 18:6

Ese nerute le dedkoli nerute uiabim kebi kale kari oituli, debele abele le didibari etatimir au baker abara pereg, a gurim batimed au muimui karem ge.

Mataio 2:13

Ui bakeuare, dasmer, abele Opole ra angela E natomertare Iosefaim abele peim ge, kega, Tekue, ma ais abele sursur uerem, gako abara apu, ua derareteder Aigupitoem, uaba emeridare kari naokaideroa kara mer marim, abelelam abele Heroda E deraimerare abele sursur uerem ko ipitare eumilu.

Mataio 2:19

Ege Heroda eumilu, dasmer, abele Opole ra angela etomelu Iosefaim abele peim ge Aigupito ge,

Mataio 24:31

E namarkare tabara angela giz pako abele maber au bumer, a uiaba taraisare foa uag peklam uader le emetu depegemelu, ditimeda kotor paikai a bakedilu nerute paikai.

Luka 1:19

A angela eutumer abim detager, kega, Kakanali Gaberiela, kaka nakuei Ade ra op ge; kari pe taramarida iaka natomelu abele debe mer iaka marim.

Luka 10:16

Ese le asoli uabim, mokakalam kari asoli; ese nerute le uabi dituaki, mokakalam kari natuaki; ese nerute le kari natuaki, epe E natuaki abele le kari namarida.

Luka 16:22

Ege abele kerker ge, lu kak le eumilu, ege angela giz abi ais Aberahama ra marmot ge: ege luglug le eumilu, a etkobei.