Mataio 17:27 - Miriam Mer Gospels 1902

²⁷ A nerute uiaba mena mudi mer meribim, ma bakea mabele gur ge, a ma batauered nerute uk, abele kekiam lar ma nagri ma tetaruka; a ko diske abara te, epe ma erdali abele setatara; ma ais uiabim ikuar mara a kara ko.

Mataio 17:27 ပူးပေါင်းရင်းမြစ်များ

Mataio 17:26

Ege Peteru abim detager, Gaire nogle. Epe Iesu abi detager, Peike omasker no emeri.

Mataio 18:6

Ese nerute le dedkoli nerute uiabim kebi kale kari oituli, debele abele le didibari etatimir au baker abara pereg, a gurim batimed au muimui karem ge.

Mataio 18:8

Ese mara tag mari nadkoli pako mara teter, debele ma isimi adem batauered; debele ma bao abele eded mara tag kebikebi nako ibibi, au adud mari batauered abele ur asam kak neis tag a neis teter.

Mataio 5:29

Ese mara tuter pone mari nadkoli ma dekeamur a adem; abelelam debele nerute mog mara gem abi, a adud batauered mara gem kemerkemer Genaim.

Mataio 5:30

Ese mara tuter tag mari nadkoli, ma isimi adem, abelelam debele nerute mog mara gem abi, a adud batauered mara gem kemerkemer Genaim.

MAREKO 9:42

Ese nerute le dedkoli nerute kebile kari oituli, debele abim idid baker abara pereg didbare, a E gurim batimed.

MAREKO 9:43

Ese mara tag mari nadkoli, ismi adem; debele ma ededem barot netate tag, a adud neis tag gena barot, abele ur asam kak:

Luka 17:2

Debele abi perege dimiri au baker sekerseker, a batauered gurim, adud dedkoli nerute kebile.

Ioane 6:61

Iesu umele, taba nerkep ge, abara kaimeg giz gumik mer atager abele, E uiabim detaut, kega, Nako, abele uabi bamsili?