Mataio 17:20 - Miriam Mer Gospels 1902

²⁰ Ege Iesu uiabi detager, Abelelam uaba nole oatur kak: ageakar kaka uabi detager, Ese uaba oituli abkoreb abele sinapi ra turum, a uaba detagerare abele paser, Ma bakeam abele uteb ge; E umele bakeam; nole nerute lu ko obogai uabim.

Mataio 17:20 ပူးပေါင်းရင်းမြစ်များ

Mataio 13:31

E uiabim etomeret nerute mer babisdarie, kega, Kotor baselaia mokakalam abele sinapi ra kep, a nerute le ais, a emor tabara ged ge:

Mataio 14:29

Ege E abi detager, Ma tabakeam. Ege Peteru eupumalu abele narlam a ekasereder tumem abele gur ge, E bakeamulu Iesuim.

Mataio 17:17

Ege Iesu etkalu, kega, Abele nosik le nole oatur kak a barbar tonar, kaka uabi dog naket gerger? kaka uabi mena omare naket gerger? E karim tegaret.

Mataio 17:19

Iesu ra kaimeg giz abim tabakeuare, uiaba tepteb, kega, Nalugem keriba umer kak abi imuare?

Mataio 17:9

Uiaba tabatueli abele paserlam, ege Iesu daraisumdarare uiabim, kega, Uaba nole atomeret kak nerute le abele lu uaba dasmerare, mena Le la Uerem ko eded akaida eudlam.

Mataio 21:21

A Iesu uiabi detager, kega, Ageakar kaka uabi detager, Ese uaba oituli, a nole asared kak, uaba ko ikerare nole abele lu suke tepteb, epe ese uaba detagerare abele paser, Ma agisi ma ko bataueret abele gur ge, E umele bakeam.

Mataio 8:26

Ege E uiabi detagerare, kega, Nalugelam uaba geum, uaba kebikebi oituli? Epe E tekueilu, a dasiumda abele uag pako abele gur, iaueakai au metalug.

MAREKO 11:22

Iesu uiabim detaut, kega, Ua ko Adim oituli.

MAREKO 11:23

Ageakar, kaka uabi detagereda, kega, Ese nerute le abele paser ge mer detager, kega, Ma eupumar, a gur ge baraigida; a nole abara nerkep emarili, E ko egared abele mer E detager, oitulilam.

MAREKO 4:31

Abele mokakalam sinapi kep, emetu emor, kebikebi kep tumem gaire kep uridili geseb ge emor,

MAREKO 9:23

Iesu abi detager, kega, Ese mama umele! Gaire lu eseamuda umele abi abele le oituli

Luka 1:37

Abelelam Ade umele gaire lu uridili E ikeli.

Luka 17:6

Ege Opole lut uiabi daratagerare, kega, Ese uaba oituli mokakalam sinapi ra turum, a uaba detager abele sukamina, Ma darbumu, a emor gur ge; a nolea ner kak.

Luka 18:27

Ege E uiabi daratagerare, kega, Abele lu le umer kak ikeli, epe Ade umele ikeli.

Ioane 11:40

Iesu abi detaut, kega, Nako, kaka nole mari natager, ese mama oituli, ma ko dasmer Ade ra adigir?