Mataio 17:17 - Miriam Mer Gospels 1902

¹⁷ Ege Iesu etkalu, kega, Abele nosik le nole oatur kak a barbar tonar, kaka uabi dog naket gerger? kaka uabi mena omare naket gerger? E karim tegaret.

Mataio 17:17 ပူးပေါင်းရင်းမြစ်များ

Mataio 13:58

Epe Iesu nole gaire adigir ikeli abele uteb ge, abelelam uiaba nole oatur kak.

Mataio 16:8

Epe Iesu opasereret, E uiabim detager, Nalu uaba mer atager, uaba kebikebi oituli, abelelam uaba nole areto tais?

Mataio 17:16

Kaka ais abim mara kaimeg giz, a uiaba umer kak abi idigir.

Mataio 17:18

Iesu abi daisumdalu, ege adem esomelu adige abele demona abielam; epe abele uerem ko eded akaida, ditimedlu abele haua ge.

Mataio 6:30

Ese Ade abi ikuar mokakalam am uali abele gaire lu ged sumez, eded abele gerger a ko batauered idim ge abele amei uteb, nako uaba nole au debe am uali nagri, uaba kebi oituli?

Mataio 8:26

Ege E uiabi detagerare, kega, Nalugelam uaba geum, uaba kebikebi oituli? Epe E tekueilu, a dasiumda abele uag pako abele gur, iaueakai au metalug.

MAREKO 16:14

Keubu, Iesu paret kak osmeda uiabim gaire elefen le, uiaba aroem; E uiabi nakereda nole oatur kaklam, a kelarkelar nerkep, abelelam uiaba nole oatur kak abele gaire le abi dasmer E eded akaida.

MAREKO 9:19

E uiabi detaut, kega, Uaba nosik oatur kak, nade mop kaka uabi dog emerili? nade mop kaka uabi mabus? E karim tegaret.

Luka 24:25

Ege E uiabi daratagerare, kega, Le paim, a peper nerkep, nole oituli gaire lu uridili gaire perofeta giz etomereti!

Luka 9:41

Ege Iesu detaut, kega, Abele nosik nolea oatur kak, pako erar, kaka uabim kemem naket gerger? pako omare uabim naket gerger? mara uerem karim tegaret.

Ioane 20:27

E Toma detager, kega, Mabara baur kei tekau, a dasmer kara neisi tag; a mabara tag tekau, a kara ber ge aziriklu: ma nole uatur kak, debele oituli.