Mataio 17:12 - Miriam Mer Gospels 1902

¹² A kaka uabi detager, Emetu Elia tabarki, a uiaba nole abi asmer kak, epe uiaba ikeli abim gaire lu uridili uiaba lagelag. Mokakalam Le la Uerem, a ko uiaba abi dedkoli.

Mataio 17:12 ပူးပေါင်းရင်းမြစ်များ

Mataio 11:2

Ege Ioane asoli abele audubare meta ge Keriso ra dorge, epe E abi namarida neis abara kaimeg giz,

Mataio 16:21

Abele kerker Iesu ditimedlu ko natomertare abara kaimeg giz abkoreb E Ierusalemaem bakeamulu, ko gaire lu aiasi ikeli abim gaire aule giz pako zogozogo le giz pako aotale giz, uiaba abim ipitare eumida, E ko eded akaida thri gerger.

Mataio 17:11

Ege Iesu etkalu uiabim, kega, Elia kekiam tabarki, a ko ditimed gaire lu uridili:

Mataio 17:13

Ege abara kaimeg giz uiaba opasereret E uiabi detager abele tonar Ioane Bapatiso.

Mataio 17:22

Uiaba nakasir Galilaia ge, ege Iesu uiabi daratagerare, Abele Le la Uerem namarid gaire le la tag:

Mataio 17:9

Uiaba tabatueli abele paserlam, ege Iesu daraisumdarare uiabim, kega, Uaba nole atomeret kak nerute le abele lu uaba dasmerare, mena Le la Uerem ko eded akaida eudlam.

Mataio 21:32

Abelelam Ioane kekiam uabim tabarki barkak tonar ra gab, ege uaba nole abi oatur kak; ege gaire telona giz pako gab kosker giz abi egardare; a uaba umele erdali, a uaba nole keubu obazged, ueakai abim oituli.

Mataio 8:20

Ege Iesu abi detager, kega, Arobe nagri abara kur, a ebur giz epereda nagri uteb uteidi; ege Le la Uerem E nole abara uteb uteidi.

Luka 7:33

Abelelam Ioane Bapataiso tabarki, nolea areto eroli, a nolea uaina ereli; a uaba detager, kega, E nagri demoni abi dog.

Ioane 1:11

E abara boai tabaruk, a abara boai nole abi agaret kak.