Mataio 16:3 - Miriam Mer Gospels 1902

³ Abele kebi gereger a uaba mer ko, kega, Peirdi au irmir abele gereger: abelelam au mam mam dali, pako au kuba abele kotor ge. Uaba bes le giz, uaba umele etage kotor ra tonar, nako uaba nole umer kak urut atamelam?

Mataio 16:3 ပူးပေါင်းရင်းမြစ်များ

Mataio 11:5

Gaire le pone asadamer bakaerti, uader le ibibi nakasiri, a lepera idigir, pako grip batapili a asoli, uader le eumid ko eded akaida, a etomeret abele debe mer uiabim gaire lu kak le.

Mataio 15:7

Uaba bes le giz, abkoreb uabim abele Isaia ra mer epili, kega,

Mataio 22:18

Iesu opasereret uiaba nerkep adud, a uiabi kega, Uaba bes le giz, nalugelam uaba kari mirem?

Mataio 23:13

Uaiai uaba aotale pako Faresaio, bes le giz! abelelam uaba dimi abele kotor baselaia lelam; abelelam uaba umer kak barot, a uaba ko daraisumdarare uader le barota.

Mataio 4:23

Ege Iesu deraueilu Galilaia uridili, E uiabi ereuerem uiaba sunago giz, E natomertare debe mer abele baselaia ge, a idigiri gim le giz gako asiasi gim abele ged uridili.

Mataio 7:5

Mama bes le, kekiam batauereda abele au lu mara pone ge; iaueakai ma erdali paret kak abi atperedelu abele lu puipi mara le la pone ge.

Luka 11:44

Uaiai uaba aotale pako Faresaio, ua bes le giz! abelelam uaba mokakalam ao giz espi, ese le tumem uadegemeli, umer kak.

Luka 12:56

Uaba bes le giz, ege uaba umele dikiapor tonar kotor a gesep; nalu atamelam uaba umer kak etag tonar abele urut?

Luka 13:15

Ege Opole de abi detager, kega, Ma bes le, epe uaba nerute le sabath ge detuemer abara kau pako abara asina kau metalam, naogatare ni namerare.