Mataio 16:20 - Miriam Mer Gospels 1902

²⁰ E uiabi daraisumdarare abara kaimeg giz nole ko atomeret kak nerute le E Iesu Keriso dali.

Mataio 16:20 ပူးပေါင်းရင်းမြစ်များ

Mataio 1:16

Iakobo esomelu Iosefa Maria ra kimiar, Maria esomelu Iesu, abara nei atker Keriso.

Mataio 16:16

Ege Simona Peteru abi detaut, kega, Mama Keriso, Ade ra Uerem eded.

Mataio 17:9

Uiaba tabatueli abele paserlam, ege Iesu daraisumdarare uiabim, kega, Uaba nole atomeret kak nerute le abele lu uaba dasmerare, mena Le la Uerem ko eded akaida eudlam.

Mataio 8:4

Ege Iesu abi detager, kega, Debele ma nole atomeret kak nerute le; a ma bakeamulu mabu, etomeret abele zogo le, a ma abi ikuar zeku lu mokakalam Mose ra gelar, atamelam uiabim.

MAREKO 8:30

E uiabi mer tigri, nole nerut le abi atager kak abele.

MAREKO 9:9

Uiaba paserlam tabatueli, Iesu uiabi mer tigri, uiaba nole atomeret kak abele lu uiaba emetu dasmerare, pe kekiam Le la Uerem eded akaida eudelam.

Luka 2:11

Abelelam ge abele gerger ge eosmelu, Dauida uteb ge, Iesu Keriso, uaba Azigmoareta.

Luka 9:21

Epe E uiabim daraisumdarare, kega, Nolea nerute le etomeret abele lu;

Luka 9:36

Ege abele mer sobkak eseamulu, epe uiaba erdali Iesu, E tepteb. A uiaba nolea mer kak, a uiaba nolea etomeret nerute le, abele kerker, gaire lu uiaba erdalare.

Ioane 1:41

E kekiam erdalu abara keimer Simona, a abi detager, kega, Ki Mesaia erdali, (tonar abele nei, Keriso.)

Ioane 1:45

Filipo de Nathaniela erdalu, a abi detager, kega, Keriba abi erdali Mose de abielam gelar ge, a gaire perofeta detar, Iesu Nazaretalam, Iosefa ra uerem.

Ioane 11:27

E abi detaut, kega, Eko, Opole: kaka dikiapor mama Keriso, Ade ra Uerem, gesepem tarabu.

Ioane 20:31

Emetu abele gaire lu detali ueakai uaba dikiaporauem, kega, Iesu Keriso kar, Ade ra Uerem: ueakai uaba onatereda, uaba ko eded nagri abi neilam.