Mataio 16:1 - Miriam Mer Gospels 1902

¹ Ege Faresaio giz pako Sadukaio giz abim tabakeuare, a uiaba abi mirem, kega, Ma keribi detomertare nerute atamelam kotorlam.

Mataio 16:1 ပူးပေါင်းရင်းမြစ်များ

Mataio 12:14

Faresaio giz baosi adige, uiaba mer atager abim ko abi ipit eumid.

Mataio 15:1

Ege aotale le pako Faresaio giz uiaba tabakeuare Iesuim Ierusalemlam, kega,

Mataio 16:6

Iesu uiabim detager, Uaba au derarati adem abele Faresaio giz ra leuen, pako Sadukaio giz ra leuen.

Mataio 19:3

Ege gaire Faresaio giz abim tabakeuare, a uiaba abi mirem, kega, Nako gelar nagri nerute le dituaki abara kosker a gaire luglam?

Mataio 22:15

Ege Faresaio giz tabakeuare, a uiaba mer atager, Nalu lu meriba abi mirem abi merlam?

Mataio 22:18

Iesu opasereret uiaba nerkep adud, a uiabi kega, Uaba bes le giz, nalugelam uaba kari mirem?

Mataio 22:23

Peike abele kerker Sadukaio giz abim tabakeuare, uiaba dikiaporare nole le ko eded akaid eudelam: uiaba abi itimerare,

Mataio 23:2

Kega, Aotale giz pako Faresaio giz bakiri Mose ra bas.

Mataio 27:62

Abele nerute gerger, abele gerger maike abele derser gerger, gaire zogozogo le giz, pako Faresaio giz netate gedim Pilatoim,

Mataio 5:20

Abelelam kaka uabi detagered, Ese nole aule uaba barkak tonar tumem abele gaire aotale giz gako Faresaio giz, umer kak uaba barot abele kotor baselaia ge.

Mataio 9:11

Faresaio giz abi erdali, uiabi abi detagerare abara kaimeg giz, Nalugelam uaba Ereuerem le kemem leuer eroli a gaire telona giz pako uite le giz?

MAREKO 10:2

Faresaio giz tabakeuare, a uiaba abi eutumer, kega, Nako, gelar nagri nerute le abara kosker dituaki? Uiabi abi mirem.

MAREKO 12:15

Nako, keriba ko ikuar, a keriba nole akuar kak? Epe E opasereret uiaba okardare, a uiabim detager, kega, Nalugelam uaba kari mirem? denari kari nakuar, kaka dasmer.

MAREKO 12:18

Sadukaio giz abim tabakeuare, uiaba dikiapor nole eded akaida; uiaba abi nautumer, kega,

Luka 10:25

Dasmer, ege nerute le ekuei, ereuerem gelar giz, E abi mirem, kega, Ereuer le, nalu lu kaka ikeli ueakai kaka nagri eded niaiem niai karem?

Luka 11:16

Uader le giz abi mirem, ege uiaba abi deraimerare atamelam kotorlam.

Luka 20:23

A E umele uiaba dikiapore, ege E uiabi daratagerare, kega, Nalugelam uaba kari mirem?

Luka 20:27

Uader Sadukaio giz, abim tabakeuare, a ui dikiaporare, kega, Nole le ko eded akaida eudelam; a uiaba abi itimerare, kega,

Ioane 8:6

Uiaba detaut abele ge ko abi mirem, ueakai nagri mer ais abielam. Iesu esorgiru, a seb ge detali tagu.