Mataio 15:32 - Miriam Mer Gospels 1902

³² Ege Iesu darabgerare abara kaimeg giz, kega, Kaka niabi nasenase abele le lakub, abelelam thri gerger peirdi uiaba emri kari dog, a nole leuer kak. Kaka umer kak uiabi namarkare ko bakeuare, a nole leuer aro kak, mena uiaba uererege abele gab ge.

Mataio 15:32 ပူးပေါင်းရင်းမြစ်များ

Mataio 12:40

Abelelam mokakalam Iona muige abele au lar kem ge neis netat gerger ge, a neis netat ki ge; mokakalam Le la Uerem ko muige sep ge neis netat gerger ge, pako neis netat ki ge.

Mataio 14:13

Iesu abele asoli, E bakeamulu adem abele uteblam abele nar ge, E tepteb emeri abele lekak uteb ge: ege le lakub aserare, a uiaba abi irmilare tabakeuare tauer gab ge, gaire uteblam.

Mataio 15:33

Ege abara kaimeg giz abi detagerare, Meriba nagelam gaire areto nagri abele sumez ge, iaueakai dordor le ra kem osmeda?

Mataio 20:34

Ege Iesu au nasenase, a natutilu uiaba pone: ege sobkak ui ge pone bakaerti, a ui ge abi irmilei.

Mataio 27:63

Kega, Opole ae, keriba ko dikiaporare abele bes le E emetu detager, Abele kerker eded, eseamud neis netate gerger kaka ko tekue.

Mataio 9:36

E nardare gaire lekub, epe E au nasenase uiaba, abelelam uiaba au sagim a dekaertare, mokakalam mamoe giz nole le asesered kak.

MAREKO 9:22

Gaire kerker E abi ur ge batauered, a ko ni batauered, ueakai abi ipit eumilu: ese mama umele, ma keribi upinati, a keribi omare.

Luka 7:13

Ege Opole abim erdali, E au omare a au nasenase abim, ege abi detager, Ma nolea ezoli.