Mataio 15:31 - Miriam Mer Gospels 1902

³¹ Ege gaire le lakub abi damreda, abelelam uiaba abi erdarare uader le te dabimdabim a mer detaut, a uader le gebgeb ko kemerkemer, a uader le ibibi ko nakasir, a uader le sadamer ko darasmerare; ege uiaba abi despereda abele Isaraela Ade.

Mataio 15:31 ပူးပေါင်းရင်းမြစ်များ

Mataio 15:30

Ege abim tabakeuare gaire le lakub, uiaba nagri uader le ibibi, a uader le sadamer, a uader le te dabimdabim, a uader le gebgeb, pako uader le gaire tonar gim, uiaba abi ituti Iesu ra teter ge; E uiabi nadgerare:

Mataio 18:8

Ese mara tag mari nadkoli pako mara teter, debele ma isimi adem batauered; debele ma bao abele eded mara tag kebikebi nako ibibi, au adud mari batauered abele ur asam kak neis tag a neis teter.

Mataio 21:14

Ege abim tabakeuare abele zogo meta ge, uader le pone asamasam, pako uader le ibibi; E uiabi nadgirare.

Mataio 8:10

Ege Iesu asoli, E au damared, E uiabim detagerare gaire le abi irmilare, kega, Ageakar kaka uabi detagerare, kaka nole erdali nerute Isaraela le nagri au oituli mokakalam.

Mataio 9:32

Neis le bakeamulei; darasmerare, uiaba tegaret abele le te dabimdabim a demoni ko balu muige.

Mataio 9:33

E abi imuare abele demoni; ege le mamoro mer etakalu, abele le te dabimdabim: ege lekub uiaba abi damarare, a mer detagerare, kega, Emeretalam meriba nole erdali nerute lu mokakalam Isaraela ge.

Mataio 9:8

Epe le lakub abi erdarare, uiaba sererege, a desperare Adim, E nakuarare abele sirdam le mokakalam.

MAREKO 2:12

E ekueda, a sobkak tabara sik ekaida, a E osmeda uiaba op uridili; abelelam uiaba uridili damereda, a Ade despili, kega, Meriba nole dasmerauem tonar mokakalam.

MAREKO 7:37

Uiaba au kase damereda, kega, E mamoro ikeroa gaire lu uridili: E gaire grip batapeli ikeli a asoli, a gaire te dabim, ko mer detaut.

MAREKO 9:43

Ese mara tag mari nadkoli, ismi adem; debele ma ededem barot netate tag, a adud neis tag gena barot, abele ur asam kak:

Luka 14:13

Ese ma derser uetpurem, ma mer tigri uiabim gaire le lu kak, pako atkurit atkurit, pako pone sadamer:

Luka 14:21

Ege abele memeg le tabakeamu, E abi detager, tabara opole, abele gaire lu. Le giz abele boai au urker, ege tabara memeg le detager, Ma dudum bakeamu mager gabem abele uteb ge, ma taraisauem gaire le nolea lu kak, pako atkurit atkurit le, pako gaire sadamer le.

Luka 18:43

Ege abara pone bakaelei, E abi irmili, E Ade deseper: ege abele le uridili ui nardarare, epe uiaba Ade desepereda.

Luka 7:16

Ege uiaba uridili au geum: ege uiaba Adim naospered, kega, Ege E ekue meribim abele perofeta, E au kale; Ade E dasmer abara ged.

Ioane 9:24

Uiaba iako neisi dabgeri abele sadamer le, a abi detager, kega, Ade despili: keriba umele adud le dali.