15 Ege Peteru abim detaut, kega, Ma keribi etomeret abele mer babisdarie.
Dasmerare, ua aserauem abele tonar mer babisdarie abele le saido dikri.
Ege Iesu dikaer abele le lakub, a balu abele meta ge; ege abara kaimeg giz tabakeuare abim, kega, Ma keribi etomeret tonar abele mer babisdarie abele ditania abele ged ge.
Ege Iesu detager, Nako uaba mena nole asor kak?
E nole uiabim atager kak, ese nole mer babisdarie; uiaba mud uteb ge, E uiabim, abara kaimeg giz, gaire tonar mer detaut.
E metaem balu gaire le kublam, abara kaimeg giz abim eutumer tonar mer babisdarie.
Abara kaimeg giz abi detager, kega, Dasmer, peirdi, mama paret kak detaut, a nole mer babisdarie detaut.