Mataio 14:23 - Miriam Mer Gospels 1902

²³ E namarkare abele le lakub bakeuare, epe E tepteb ogi bakeamulu abele paser, a esorerapare. Bakedilu abele kikem, E tepteb abele uteb ge emrilu.

Mataio 14:23 ပူးပေါင်းရင်းမြစ်များ

Mataio 26:36

Uiaba baosi kemem Iesu abele ged nei Gethesemane, E uiabi detager, tabara kaimeg giz, Uaba bamer ike, a kaka bakeam peike ko esorerapare.

Mataio 6:6

Ese ma esorerapare, ma ge bao mabi uteb ge, a dimi abara te, ege ma abi esorerapare mara Baba penoka dali ardar kak uteb ge; mara Baba E darasmerare abele ardar kak uteb ge, E mari nakuaroa paret kak mari bodomalam.

MAREKO 1:35

Nede be iuaokaer, E ekueilu a teosmeda, a nogutebem bakeamud, abele esorerapare.

MAREKO 6:46

E emetu uiabi namarida, E paserem ogi esorerapare.

Luka 3:21

Ege E bapataiso abele ged uridili, a ko Iesuim bapataiso, E esorerapare, ege abele kotor nakesmulu,

Luka 5:16

E bakeamulu le kak uteb, ege esorerapoilu.

Luka 6:12

Abele gaire gerger, Iesu bakeamulu nerute paser ge E esorerapare; E Adim damosi ki ge ueeseamur.

Luka 9:18

E tepteb esorerapare, abara kaimeg giz uiaba okakis: epe E uiabi nautumerare, kega, Nako gaire le la mer karim nete?

Luka 9:28

Ege gaire mer eseamulu, nako eit gerger, epe E abi ais Peteru, pako Ioane, pako Iakobo, ege uiaba ogi nerute tumem perepere paser ge, E esorerapare.