Mataio 13:52 - Miriam Mer Gospels 1902

⁵² Ege E uiabim daratagerare, kega, Dasmerare, aotale le uridili emetu ereuerem abele kotor baselaia, uiaba mokakalam tarim le la boai, E tais emeret lu pako kerkar lu tabara luga metalam.

Mataio 13:52 ပူးပေါင်းရင်းမြစ်များ

Mataio 12:35

Gaire debe lu tais abele le debe tonar abara lu muige abara nerkep; ege abele le adud tonar ko tais gaire adud lu, abara adud lu muige abara nerkep.

Mataio 13:51

Ege Iesu uiabim daratagerare, kega, Nako uaba emetu asered abele gaire lu uridili? Uiaba abim detaut, Uao, Opole ae.

Mataio 13:53

Ege Iesu bakedidlu gaire mer babisdarie, E bakeamulu adem abele uteblam.

Mataio 23:34

Dasmer abele lu, kaka uabi namarida perofeta giz, pako pardali le giz, pako aotale le giz; uader le uaba narsare, pako satauroem; a uader le uaba damarika uaba sunago, pako deraimerare nerute uteb a nerute uteb;

Mataio 28:19

Dasmer, uaba bakeuare gaire ged narida uridili ko uiabi ereuerem, pako uiabi bapataiso Babe ra nei ge, pako abele Uerem, pako abele Lamar Zogo:

Luka 11:49

Ege Ade ra pardali detaut, Kaka uiabi namarida perofeta pako aposetola giz; uiaba uader ipit a uader damrik;

Ioane 13:34

Kaka uabi ikuar kerkar gelar, kega, Uaba dorge ko uabu omare: mokakalam kaka uabi omare, abkoreb uaba omare uabu.