Mataio 13:51 - Miriam Mer Gospels 1902

⁵¹ Ege Iesu uiabim daratagerare, kega, Nako uaba emetu asered abele gaire lu uridili? Uiaba abim detaut, Uao, Opole ae.

Mataio 13:51 ပူးပေါင်းရင်းမြစ်များ

Mataio 13:11

Ege E etkalu uiabim, kega, Uabi ikuar, iaueakai uaba umele gaire gumik lu abele kotor baselaia ge, a uiabi nole akuar kak.

Mataio 13:19

Ese le asoli abele baselaia ra mer, ese nole akiapor kak, ege adud le abim tabarki, a ais adem abele saido emetu dikri abi nerkep ge. Abele le pedali egared abele saido abele gab ge.

Mataio 13:50

Ege uiaba batauered uiabim adud le giz abele urueri amei; nagri ebazuer pako tereg ikupamaretlare.

Mataio 13:52

Ege E uiabim daratagerare, kega, Dasmerare, aotale le uridili emetu ereuerem abele kotor baselaia, uiaba mokakalam tarim le la boai, E tais emeret lu pako kerkar lu tabara luga metalam.

Mataio 15:17

Nako uaba mena umer kak, gaire lu uridili ikedi abele te a ko irmi abele kem ge, ege imuda abele sumez ge?

Mataio 16:11

Nako uaba mena nole asor kak, nole abele areto kaka uabi detager? Epe ua au derarati adem abele Faresiao giz ra leuen, pako Sadukaio giz.

Mataio 24:15

Ese uaba erdali abele derar lu a dedkolare, mokakalam Daniela perofeta detaut, E tekue abele zogo uteb (le etage mamor dikiapor:)

MAREKO 4:34

E nole uiabim atager kak, ese nole mer babisdarie; uiaba mud uteb ge, E uiabim, abara kaimeg giz, gaire tonar mer detaut.

MAREKO 7:18

E uiabim daratagereda, kega, Nako uaba ko nole umer kak? Nako uaba nole akmer kak, nole sor lu le kem ge badari, umele le dedkoli;