Mataio 13:39 - Miriam Mer Gospels 1902

³⁹ Abele le kari kurab ge E dikri abele gaire lu, abele diabolo pedali; abele mur ge, abele geseb ge ra mop; abele ismi le, uiaba gaire angela giz.

Mataio 13:39 ပူးပေါင်းရင်းမြစ်များ

Mataio 12:32

Ese le abi adud mer abele Le la Uerem, umele idigir, ege abele le abi adud mer abele Lamar zogo, umer kak idigir abele eded, pako niai eded.

Mataio 13:22

Abele le egared abele saido abele sumez lu daradar, abele le E asoli abele mer, epe abara nerkep okadeskedi gaire lu abele gesep ge, pako abele bes lu lag a edarabi abele mer, epe nole turum kak.

Mataio 13:25

Le giz uteid, ege kurab le tabakeam, a dikri abele ditania muige abara saido, ege E bakeamulu adem.

Mataio 13:28

Ege E uiabi daratagerare, Abele lu nerute le kari kurab ge ikeli. Ege abara memeg le abim detaut, kega, Nako ma lagelag keriba bakeuare ismi adem abele gaire lu?

Mataio 13:40

Peike mokakalam ditania etami a urim disirik abele ur ge; mokakalam ikeli abkoreb abele geseb ge ra mop.

Mataio 13:49

Mokakalam mop abele geseb ge; angela giz bakeuare nakesmurare adud le giz, pako barkak le giz,

Mataio 24:3

E emri abele Oliua paser, ege abara kaimeg giz abim tabakeuare uiaba tepteb, a uiaba kega, Ma keribi detagerare, Na kerker tabarki abele gaire lu? a nalu atamelam ma tabarki, pako abele geseb ra mop?

Mataio 25:31

Ese Le la Uerem tabarki tabara zorom, pako zogo angela giz uridili kemem abi dog, epe E egimuru tabara bao zorom ge:

Mataio 28:20

Uaba uiabi ereuerem, a asesered gaire lu uridili kaka uabi detager: dasmer, kaka ko uabi kemem gaire gerger uridili, bakedilu abele geseb ra mop. Amen.