Mataio 13:3 - Miriam Mer Gospels 1902

³ E uiabim daratagerare gaire lu mer babisdarie, kega, Dasmer, nerute amorda le bakeamulu ko emor.

Mataio 13:3 ပူးပေါင်းရင်းမြစ်များ

Mataio 13:4

Ege abara saido dikri, epe uader kep abi abele gab ge, ege gaire ebur giz epereda eroli.

Mataio 13:53

Ege Iesu bakedidlu gaire mer babisdarie, E bakeamulu adem abele uteblam.

Mataio 22:1

Ege Iesu ko etomeret uader mer babisdarie uiabim, kega,

Mataio 24:32

Uaba dikiaporare abele mer babisdarie abele suke; Ese kerkar omeida abara girikupi tam, pako au lamalam; uaba umele urueri urut maike:

MAREKO 12:1

Iesu ko ditimeda uiabim detager gaire mer babisdarie, kega, Nerute le uina gedub akerare, a kar derumeda, a uak dakeili ko uina igmesi, a eskare emoarare, a gedub le nakuarare, a muriz ged bakeamuda.

MAREKO 12:12

Uiaba deraimeri ko abi terpei, epe uiaba gaire le lakub geum ge; abelelam uiaba umele abele mer babisdarie E uiabi detager: uiaba abi dikaerti, a bakeamuda.

MAREKO 3:23

E uiabi darabgerare, a uiabi daratagerare gaire mer babisdarie, kega, Nako, Satana umele Satana imuda?

MAREKO 4:13

E uiabim detagereda, kega, Nako, uaba nole asmer kak abele mer babisdarie? epe nako uaba ko umele gaire mer babisdarie uridili?

MAREKO 4:33

E Ade ra mer uiabim detagereda, mokakalam gaire mer babisdarie, abkoreb uiaba umele asoli.

Luka 12:41

Ege Peteru abi detager, kega, Opole, ege ma detager keribim abele mer babisdarie, nako le uridili?

Luka 8:10

Epe E mer etkalu uiabim, Emetu ikuar uabim iaueakai uaba umele gaire lu gumik Ade ra baselaia ge: epe uader mer babisdarie uiabim gaire le; iaueakai uiaba nolea dasmer, uiaba dasmerare, pako uiaba nolea asoli, uiaba aserare.

Ioane 16:25

Kaka emetu uabi detager abele gaire lu mer babisdarie: kerker ia uatabaruk, kaka nole uabi detager mer babisdarie, epe kaka ko uabim paret kak detaut Abem.