Mataio 12:50 - Miriam Mer Gospels 1902

⁵⁰ Abelelam abele le ikeli kara Baba ra lag penoka kotor ge, E dali kara keimer, pako kara berbet, a kara apu.

Mataio 12:50 ပူးပေါင်းရင်းမြစ်များ

Mataio 12:49

E tabara tag idrimur tabara kaimeg giz, kega, Dasmer, kara apu, pako kara keimer giz!

Mataio 13:1

Abele gerger Iesu esomelu abele metalam, a emeri seb ge, maike abele gur ge.

Mataio 17:5

Dasmer, abele zoromzorom baz uiaba natkamda: ko dasmer, abele kodo mer bazelam, kega, Kara Uerem nase ge pedali, kaka abim sererege; uaba mamor abi asoli.

Mataio 25:40

Ege Opole uiabi etkalu, kega, Ageakar kaka uabi detager, Abelelam uaba ikerare nerute le kebi kale kara keimer ike, kakanali uaba ikerare.

Mataio 25:45

E uiabim etkalu, kega, Ageakar kaka uabi daratagerare, Abelelam uaba nole ikerare nerute le kebi kale uiaba ike, epe kakanali uaba nole ikerare.

Mataio 28:10

Iesu uiabi detager, Uaba nole geum kak: ua bakeamlam etomeret kara keimer giz, uiaba ko bakeuare Galilaiaem, uiaba kari erdali.

MAREKO 3:35

Abelelam abele le Ade ra lag ikeli, E dali kara keimer, a kara berbet, a kara apu.

Luka 8:21

Ege E uiabim detaut, kega, Ese gaire le giz asoli Ade ra mer, a uiaba ikeli, uiaba kara apu a kara keimer giz.

Ioane 15:14

Ese uaba ikeli gaire lu kaka uabi mer tigri, uaba kara boai.

Ioane 20:17

Iesu abi detaut, kega, Nole kari atutir kak; abelelam kaka nole karba Babim ogi: bakeamulu uiabim kara keimer giz, a uiabi daratagerare, kega, Kaka Abem pako uaba Aba ogi, kara Ade a uaba Ade.

Ioane 6:29

Iesu uiabi detaut, kega, Ade ra dorge peik, ko oituli abim, E temarida.

Ioane 6:40

Abara lag peike, kari namarida, kega, Gaire le uridili Uerem dasmerare, a abi oituli, uiaba eded nagri aseamur kak: epe kaka ko uiabi nakiamda keubu gerger ge.