Mataio 12:46 - Miriam Mer Gospels 1902

⁴⁶ E uiabi detaut abele le lakub, dasmer, ekuei adige abara apu, pako abara keimer giz, uiaba lagelag abi mer atager.

Mataio 12:46 ပူးပေါင်းရင်းမြစ်များ

Mataio 1:18

Emereta Iesu Keriso esmelu mokakalam: Abara apu Maria au lagelage Josefaim, E deredare abara kem Lamar Zogolam, epe uiaba nole okakis.

Mataio 12:47

Ege nerute le abi detager, Dasmer, ekuei adige mara apu, pako mara keimer giz, uiaba lagelag mari mer uanatager.

Mataio 13:55

Nako nole tonar le abara uerem? nako nole nei Maria abara apu? abara kaimer giz Iakobo, a Iose, pako Simona, a Iuda?

Mataio 2:11

Uiaba barot abele meta, uiaba erdali abele uerem gako abara apu Maria, a uiaba esorgiru abim; uiaba detuerare a itiru uiaba lu, ege uiaba naisuerare abim nase lu, abele gold, gako sus lipano, gako abele sus muro.

Mataio 2:20

Kega, Ma ais abele sursur uerem, gako abara apu, bakeuidare abele gedim Isaraela; abelelam emetu eumilu uader le deraimerare abele sursur uerem ipitare eumilu.

MAREKO 2:21

Nole le kerkar mog uali itkedi okakis buzibuzi am uali; akeulam buzibuzi mog uali de kerkar mog ualilam ekep itkedi, iako au atoatatoat.

MAREKO 6:3

Nako nole tonar le abele? nako nole Maria rauerem, Iakobo ra keimer, a Iose, a Iuda, a Simona? nako abara berbet nole meribi dog? uiaba abi derar.

Luka 1:43

Nako abele lu, tabakeamud karim kara Opole ra apu?

Luka 2:33

Ege Iosefa pako abara apu uiaba damered gaire lu etomeret abim.

Luka 2:34

Ege Simeona E uerkab uiabim, ege abi detager Maria abara apu, kega Dasmer, abele uerem iridi uader ekesmeri a ko ekuei gaire le lakub Isaraela; abele atamelam uiaba abi dedkoli;

Luka 2:48

Ege ui ge au kase damerei emetu abi erdarei; ege abi apuet detaut, kega, Kara uerem ma nalu pem a keribim? Dasmer, kaka pako mara aba ki au asi ki darasardei mari naraimerei.

Luka 2:51

Ege ui ge okakis bakeauare Nazareta tabarki; a uiaba memeg: ege apu ge gaire lu giz nerkep derpeilare.

Luka 8:10

Epe E mer etkalu uiabim, Emetu ikuar uabim iaueakai uaba umele gaire lu gumik Ade ra baselaia ge: epe uader mer babisdarie uiabim gaire le; iaueakai uiaba nolea dasmer, uiaba dasmerare, pako uiaba nolea asoli, uiaba aserare.

Ioane 19:25

Iesu ra satauro dege abara apu ekueilu, pako abara apu ra keimer, Maria, Kelopa ra kosker, a Maria Magadalena.

Ioane 2:1

Abele gerger thri, nerute ispilu Kana Galilaiem; a Iesu ra apu pedali:

Ioane 2:12

Abele baruk E Kaperenaumem bakeamulu, Iesu, a abara keimer giz, a abara kaimeg giz: uiaba nole dordor gerger ab ged ge bamer.

Ioane 2:5

Abara apu, uiabim gaire memeg le, daratagerare, kega, Abele mer E uabi detagereda, ikerare.

Ioane 7:10

Abara keimer giz emetu uetpurem bakeamuda, E ko bakeam, epe E gumik ekas, nole paret kak ekas.

Ioane 7:3

Abara keimer giz abi detautare, kega, Ge dekaer, a Iudaiaem bakeam, ueakai mara kaimeg giz dasmerare gaire lu ma ikeli.

Ioane 7:5

Ege abara keimer giz nole abi oatur kak.